வரலாறு

17-Aug-2023
273 Days
28
0

சிறந்த நபர்கள்

மதுரையில் டி.எம்.சௌந்தரராஜன் சிலை

மறைந்த திரைப்படப் பின்னணிப் பாடகர் டி.எம்.சௌந்தரராஜனுக்கு அரசு சார்பில் மதுரையில் அமைக்கப்பட்ட முழு உருவ வெண்கலச் சிலையை தமிழக முதல்வர் மு.க.ஸ்டாலின் திறந்து வைத்தார்.

குறிப்பு

கலைமாமணி, பத்மஸ்ரீ உள்பட பல்வேறு விருதுகளைப் பெற்ற திரைப்படப் பின்னணிப் பாடகர் மறைந்த டி.எம்.சௌந்தரராஜனின் பிறந்த நூற்றாண்டையொட்டி, அவரது சொந்த ஊரான மதுரையில் முழு உருவ வெண்கலச் சிலை அமைக்கப்படும் என தமிழக அரசின் 2023-24-ஆம் ஆண்டுக்கான செய்தி, விளம்பரத் துறை மானியக் கோரிக்கையில் அறிவிக்கப்பட்டது.

விளையாட்டு

ஜுனியர் மல்யுத்தம்: அமித் குமார் “யு20“ உலக சாம்பியன்

ஜோர்டானில் நடைபெறும் 20 வயதுக்கு உள்பட்டோருக்கான (யு20) உலக மல்யுத்த போட்டியில் இந்தியாவின் அமித் குமார் தங்கம் வென்று சாம்பியன் ஆனாார்.

குறிப்பு

முன்னதாக பல்வீந்தர் சீமா, ரமேஷ் குமார் (2001), தீபக் புனியா (2019) ஆகியோர் ஜுனியர் சாம்பியன் ஆன நிலையில், அந்தப் பட்டம் வென்ற 4-ஆவது இந்தியர் ஆகியிருக்கிறார் அமித் குமார்.

சென்னையில் முதல்முறையாக இரவு நேர மோட்டார் பந்தயம்

இந்தியாவிலேயே முதல் முறையாக, இரவு நேர மோட்டார் பந்தயம் வரும் டிசம்பர் சென்னையில் நடைபெறவுள்ளது என இளைஞர் நலன் மற்றும் விளையாட்டு மேம்பாட்டுத் துறை அமைச்சர் உதயநிதி ஸ்டாலின் தெரிவித்தார்.
இந்திய மோட்டார் விளையாட்டுகள் வரலாற்றில் சிறப்பு நிகழ்வாக பெருநகர சென்னை மாநகராட்சி, சென்னை பெருநகர வளர்ச்சி ஆணையம், தமிழ்நாடு விளையாட்டு மேம்பாட்டு ஆணையம், ரேஸிங் புரோமோஷன்ஸ்(பி)லிட். ஆகியவை இணைந்து சென்னை ஃபார்முலா ரேசிங் சர்க்யூட் பந்தயத்தை நடத்த உள்ளன.
சென்னை தீவுத் திடல் மைதானத்தில் 3.5 கி.மீ தொலைவுக்கு இரவு நேர பந்தயமாக(ஸ்ட்ரீட் சர்க்யுட்) நடத்தப்படுகிறது. இரவு நேர பந்தயம் இந்தியா மற்றும் தெற்கு ஆசிய பகுதிகளில் நடத்தப்படுவது இதுவே முதல் முறையாகும்.

குறிப்பு