Tag: அறிவியல் மற்றும் தொழில்நுட்ப கண்டுபிடிப்புகள்

அறிவியல் மற்றும் தொழில்நுட்ப கண்டுபிடிப்புகள் தாரோசரஸ் இண்டிகஸ் 'தாரோசரஸ் இண்டிகஸ்' என்ற பழங்கால டைனோசரின் புதைபடிவ எச்சங்கள் சமீபத்தில் மீட்கப்பட்டன. தாரோசரஸ் இண்டிகஸ் எனும் பெயர், இந்தியாவின் ஜெய்சல்மாரில் உள்ள தார் பாலைவனப் பகுதியில் கண்டுபிடிக்கப்பட்டதால் வழங்கப்பட்டது. இது ஜுராசிக் காலத்தில் வாழ்ந்த நீண்ட கழுத்து கொண்ட, தாவரங்களை உண்ணும் டைனோசர் இனமாகும். தாரோசரஸ் இண்டிகஸின் புதைபடிவங்கள் சுமார் 167 மில்லியன் ஆண்டுகள் பழமையானவை எனக் கண்டறியப்பட்டுள்ளது.

அறிவியல் மற்றும் தொழில்நுட்பத்தில் சமீபத்திய கண்டுபிடிப்புகள் கிரிப்டோபயோசிஸ் சமீபத்தில் 46,000 ஆண்டுகளுக்கு முன்பு உறைந்திருந்த புழுவை விஞ்ஞானிகள் உயிர்ப்பித்துள்ளனர். கிரிப்டோபயோசிஸ் எனப்படும் செயலற்ற நிலையில் சைபீரியன் உறைபனி பகுதியில் 40 மீட்டர் (131.2 அடி) கீழே கண்டுபிடிக்கப்பட்ட வட்டப்புழு ஒன்று உயிர்பிழைத்துள்ளது. கிரிப்டோபயோசிஸ் பற்றி கிரிப்டோபயோசிஸ் என்பது ஒரு உயிரினத்தின் வாழ்வதற்கான எந்த அறிகுறிகளும் அற்ற நிலை. அதன் வளர்சிதை மாற்ற செயல்பாடு அரிதாகவே அளவிட முடிவதாக இருக்கும் அல்லது நின்றுவிடும். கிரிப்டோபயாடிக் நிலையில் உள்ள உயிரினங்கள் நீர் அல்லது ஆக்ஸிஜன் முழுமையாக இல்லாததைத் தாங்கும் மற்றும் அதிக வெப்பநிலை, அத்துடன் உறைபனி அல்லது மிகவும் உப்பு நிலைகளைத் தாங்கும் திறன் கொண்டதாகும்.  வளர்சிதை மாற்றம் என்பது வாழ்க்கையின் வரையறுக்கும் பண்பு என்பதால், கிரிப்டோபயோசிஸை ஒரு உயிரினத்தின் தற்காலிக மரணம் என்று அழைக்கலாம்.. செல்லில் இல்லா டி.என்.ஏ (Cell free DNA) மனித உடலில், ஒரு மரபணுவில் உள்ள பெரும்பாலான டிஎன்ஏ, குறிப்பிட்ட புரதங்களின் உதவியுடன் செல்களுக்குள் சரியான வகையில் சிதைவடையாமல் பாதுகாப்பாக நிரம்பியுள்ளது. இருப்பினும், டிஎன்ஏவின் சில துண்டுகள் அவற்றின் இருப்பிடத்திலிருந்து வெளியேற்றப்பட்டு செல்லுக்கு வெளியே, உடல் திரவங்களில் உள்ளன. நியூக்ளிக் அமிலங்களின் இந்த சிறிய துண்டுகள் செல்-ஃப்ரீ டிஎன்ஏ (cfDNA) என்று அறியப்படுகின்றன. cfDNA என்பது உயிரணுக்களிலிருந்து வெளியிடப்படும் நியூக்ளிக் அமிலங்களின் சிறிய துணுக்குகளைக் குறிக்கிறது. அவை பிளாஸ்மா, சிறுநீர் மற்றும் செரிப்ரோஸ்பைனல் திரவம் (CSF) என உடல் திரவங்களில் செல்லிற் வெளியே காணப்படும். எதிர்பாற்றல் குறைவு நோய்கள், புற்றுநோய் போன்ற நோயியல் நிலைமைகளின் கீழ் இரத்தத்தில் cfDNA அளவு அதிகரிக்கிறது. cfDNA பயன்பாடு கருவில் உள்ள மரபணு சார் பிரச்சனைகளை கண்டறிதல். புற்றுநோய்களை முன்கூட்டியே கண்டறிதல் மற்றும் சிகிச்சை. உறுப்பு மாற்று அறுவை சிகிச்சைக்குப் பிறகு நோயெதிர்ப்புத் திறனைக் கண்காணித்தல் மற்றும் பயோமார்க்கராகப் பயன்படுத்தலாம்.

அறிவியல் மற்றும் தொழில்நுட்பத்தில் சமீபத்திய கண்டுபிடிப்புகள்   கிளியோபிளாஸ்டோமா மல்டிஃபார்ம் டிரைவர்கள் (இயந்திர கற்றல் அடிப்படையிலான கணக்கீட்டு கருவி) மூளை மற்றும் முதுகுதண்டு வடத்தில் வீரியம் மிக்க கட்டிகளைக் கண்டறிய இயந்திர கற்றல் (Machine learning) அடிப்படையிலான கணக்கீட்டு கருவி இந்திய தொழில்நுட்ப நிறுவனம், சென்னை (IIT-M) உருவாக்கியுள்ளது. Glioblastoma Multiform Drivers (GBM Driver) என்று அழைக்கப்படும் இக்கருவி ஆன்லைனிலும் கிடைக்கிறது. க்ளியோபிளாஸ்டோமா என்பது மட்டுப்படுத்தப்பட்ட வேகமாக மற்றும் தீவிரமாக வளரும் கட்டியாகும்.

அறிவியல் மற்றும் தொழில்நுட்ப சமீபத்திய கண்டுபிடிப்புகள் ’ஆர்ட்சென்ஸ்’ ஐஐடி மெட்ராஸ் இரத்த நாளங்களின் பாதிப்பை அறிய புதிய  சாதனத்தை உருவாக்கியுள்ளது. மெட்ராஸ் இந்திய தொழில்நுட்பக் கழகத்தின் ஆராய்ச்சியாளர்கள், இரத்த நாளங்களின் ஆரோக்கியம் மற்றும் வயதை கணிக்கக்கூடிய ஒரு புதிய, சாதனத்தை உருவாக்கியுள்ளனர்.  இதன் மூலம் இருதய நோய்களுக்கான ஆரம்ப பரிசோதனையை வழங்க முடியும். Artsens எனப்படும் இந்த சாதனம், வாஸ்குலார் ஆரோக்கியத்தை மதிப்பிடுவதற்கும் கணிப்பதற்கும், நிபுணரல்லாதவர்களும் கூட வழக்கமான மருத்துவ பரிசோதனையில் பயன்படுத்தக்கூடிய வகையில் வடிவமைக்கப்பட்டுள்ளது.  இது ஐஐடி மெட்ராஸில் உள்ள ஹெல்த்கேர் டெக்னாலஜி  இன்னாவேஷன் சென்டரால் உருவாக்கப்பட்டது.

அறிவியல் மற்றும் தொழில்நுட்பத்தில் சமீபத்திய கண்டுபிடிப்புகள் ’ஸ்லோகம்’  கிளைடர்கள் அறிமுகம் புவி அறிவியல் அமைச்சகத்தின் (MoES) கீழ் உள்ள இந்திய கடல் தகவல் சேவைகளுக்கான இந்திய தேசிய மையம் (INCOIS), வங்காள விரிகுடாவில் இரண்டு புதிய நவீன ஆழ்கடல் 'ஸ்லோகம்' கிளைடர்களை அறிமுகப்படுத்தியுள்ளது. கடலின் இயற்பியல் மற்றும் உயிர்வேதியியல் அளவுருக்கள் மற்றும் காலநிலை மாற்றம் பற்றிய நுண்ணறிவைப் பெறுவதற்காக  ஒன்று வடக்கு நோக்கியும் மற்றொன்று தெற்கு நோக்கியும் திட்டமிடப்பட்டுள்ளது. கிளைடர்களில் வெப்பநிலை, உப்புத்தன்மை, குளோரோபில், கரைந்த ஆக்ஸிஜன், PAR - கடல் நீரில் உள்ள ஒளிச்சேர்க்கை செயலில் உள்ள கதிர்வீச்சு ஆகியவற்றைக் கண்காணிக்க சென்சார்கள் பொருத்தப்பட்டுள்ளன. நேஷனல் இன்ஸ்டிடியூட் ஆஃப் ஓஷன் டெக்னாலஜியின் (NIOT) கடல் ஆராய்ச்சி வாகனமான 'சாகர் மஞ்சுஷா'வில் இருந்து கிளைடர்கள் பயன்படுத்தப்பட்டுள்ளன, இந்த கிளைடர்கள் நீருக்கடியில் சுமார் 1,000 மீட்டர் ஆழம் வரை சென்று ஒரு நாளைக்கு நான்கைந்து முறை மேல்நோக்கித் தொடர்ந்து தரவுகளை அளிக்கும். செயற்கைக்கோளானது புதிதாக நிறுவப்பட்ட 'நேஷனல் கிளைடர் ஆபரேஷன்ஸ் ஃபெசிலிட்டி'க்கு அதை எடுத்துச் சென்று தொடர்ந்து தகவல் அளிக்கும் . லித்தியம் அயன் பேட்டரியில் இயங்கும் இந்த கிளைடர்கள், அவை ஒரு நாளைக்கு 15 கிமீ வரை பயணிக்க முடியும். INCOIS பற்றி:  INCOIS என்பது புவி அறிவியல் அமைச்சகத்தின் (MoES) கீழ் உள்ள ஒரு தன்னாட்சி அமைப்பாகும். இது ஹைதராபாத்தில் அமைந்துள்ளது மற்றும் 1999 இல் நிறுவப்பட்டது. இது புது தில்லியின் எர்த் சிஸ்டம் சயின்ஸ் ஆர்கனைசேஷன் (ESSO) இன் ஒரு அலகாகும். சமூகம், தொழில்துறை, அரசு நிறுவனங்கள் மற்றும் அறிவியல் சமூகத்திற்கு சிறந்த கடல் தகவல் மற்றும் ஆலோசனை சேவைகளை வழங்குகிறது.

அறிவியல் மற்றும் தொழில்நுட்ப கண்டுபிடிப்புகள்  மத்ஸ்யா 6000 2026ஆம் ஆண்டு நிறைவுபெறும் என எதிர்பார்க்கப்படும் சமுத்ராயன் இயக்கத்தின் ஒரு பகுதியாக கடல் மட்டத்திலிருந்து 6,000 மீட்டர் ஆழத்திற்கு மூன்று பேர் கொண்ட குழு அனுப்பப்படும் திட்டமாகும். மத்ஸ்யா பற்றி   மத்ஸ்யா, அரிய கனிமங்களை ஆராய்வதற்காக ஆழ்கடல் ஆய்வு  திட்டத்தின் கீழ் உருவாக்கப்பட்ட இந்திய தயாரிப்பான ஆழமான நீரில் மூழ்கும் வாகனம்.   இது சாதாரண செயல்பாட்டின் கீழ் 12 மணிநேரம் மற்றும் மனித பாதுகாப்புக்காக அவசரகாலத்தில் 96 மணிநேரம் தாங்கும் திறன் கொண்டது. சமுத்ராயன் திட்டம் :  அக்டோபர் 2021 இல் அரசாங்கத்தால் அறிவிக்கப்பட்டது, சமுத்ராயன் என்பது மனிதர்களைக் கொண்ட நீர்மூழ்கிக் கப்பல் ஆகும், இது விஞ்ஞானிகள் நேரடித் தலையீட்டின் மூலம் ஆராயப்படாத ஆழ்கடல் பகுதிகளைக் கண்காணிக்கவும் புரிந்துகொள்ளவும் அனுமதிக்கும்.  ஆழமான கடல் ஆய்வுக்கான அறிவியல் சென்சார்கள் மற்றும் கருவிகளின் தொகுப்புடன் கடலில் 6,000 மீட்டர் ஆழத்திற்கு மூன்று மனிதர்களை எடுத்துச் செல்ல இது ஒரு சுயமாக இயக்கப்படும் ஆள் கொண்ட நீர்மூழ்கிக் கப்பல் ஆகும்.

அறிவியல் மற்றும் தொழில்நுட்ப கண்டுபிடிப்பு பிரமோஸ் ஏவுகணை சோதனை வெற்றி ஒலியின் வேகத்தைவிட அதிகமான வேகத்தில் செல்லும் பிரமோஸ் ஏவுகணையை இந்திய கடற்படை அரபிக் கடலில் ஞாயிற்றுக்கிழமை வெற்றிகரமாகச் சோதித்துப் பார்த்தது. கப்பல், விமானம், நீர்மூழ்கிக் கப்பல் மற்றும் நிலப் பகுதியிலிருந்து இலக்கைத் தாக்கி அழிக்கும், பிரமோஸ் ஏவுகணை, இந்திய – ரஷிய கூட்டுத் தயாரிப்பில் உருவாக்கப்பட்டது.  இது ஒலியின் வேகத்தை விட மூன்று மடங்கு வேகத்தில் பயணிக்கும் திறன்கொண்டது. இந்திய விண்வெளி ஆராய்ச்சி நிறுவனம் (இஸ்ரோ) மார்ச் 7-ம் தேதி, மேகா – டிராபிக்ஸ்-1 (எம்டி1) செயலிழக்கச் செய்யப்பட்ட குறைந்த புவி சுற்றுப்பாதை செயற்கைக்கோளை கட்டுப்படுத்தி மீண்டும் நுழைவதற்கான சவாலான சோதனைக்கு தயாராகி வருகிறது. வெப்பமண்டல வானிலை மற்றும் காலநிலை ஆய்வுகளுக்காக ISRO மற்றும் பிரெஞ்சு விண்வெளி நிறுவனமான CNES ஆகியவற்றின் கூட்டு செயற்கைக்கோள் முயற்சியாக MT1 அக்டோபர் 12, 2011 அன்று ஏவப்பட்டது.  ஸ்கர்ப் டைபஸ் காய்ச்சல் உயிருக்கு ஆபத்தை ஏற்படுத்தும் ஸ்க்ரப் டைபஸ் காய்ச்சலுக்கு சிறந்த மருத்துவ சிகிச்சையை இந்திய ஆராய்ச்சியாளர்கள் கண்டுபிடித்துள்ளனர். தலைவலி, இருமல், மூச்சு திணறல் போன்றவை இதன் அறிகுறிகள்.  ஓரியன்டியா சுட்சுகாமுஷி என்ற பாக்டீரியாவால்  உண்டாகும் இந்நோய் உயிருக்கு ஆபத்தானதாகும். இத்தொற்று விலங்குகள் வழியாக மனிதர்களுக்கு பரவும் தன்மை கொண்டது.

அறிவியல் மற்றும் தொழில்நுட்ப கண்டுபிடிப்புகள் குலசேகரப்பட்டினம் ராக்கெட் ஏவுதளத்தால் தென் இந்தியா வளர்ச்சியடையும்: இஸ்ரோ முன்னாள் தலைவர் சிவன் குலசேகரப்பட்டினத்தில் அமைய உள்ள ராக்கெட் ஏவுதளம் மூலம் தென் இந்தியா பெரிதும் வளர்ச்சியடையும் என இஸ்ரோ முன்னாள் தலைவர் கே. சிவன் தெரிவித்தார். விண்ணுக்கு மனிதனை அனுப்பும் ககன்யான் திட்டத்துக்கான பணிகள் விரைவுபடுத்தப்பட்டுள்ளது.  மேலும், சந்திராயன் – 3 விண்ணில் செலுத்தப்படுவதற்கு தயாராகி வருகிறது. இதேபோல, சூரியன் தொடர்பான ஆராய்ச்சியை மேற்கொள்வதற்காக ஆதித்யா 1 விண்கலமும் தயாராகி வருகிறது.  செயற்கைக்கோள்களை விண்ணில் ஏவுவதற்கான செலவு பிற நாடுகளைக் காட்டிலும் இந்தியாவில் குறைவு என்பதால், அண்டை நாடுகள் நம் நாட்டிலிருந்து விண்கலத்தை விண்ணில் செலுத்துகின்றன.  மேலும், நம்முடைய தொழில்நுட்பத்தைப் பயன்படுத்தி பிற நாடுகள் அவர்களுடைய செயற்கைக்கோள்களை விண்ணில் ஏவ விரும்புகிறார்கள்.