மத்திய ஊழல் கண்காணிப்பு ஆணையர் (CVC) பின்னணி : மத்திய ஊழல் கண்காணிப்பு ஆணையர் (CVC) பதவியை நிரப்ப மத்திய அரசு தகுதியுள்ள மூத்த அதிகாரிகளிடமிருந்து விண்ணப்பங்களை வரவேற்றுள்ளது. தற்போதைய CVC அதிகாரி பிரவீண்குமார் ஸ்ரீவாஸ்தவா (1988 IAS பிரிவு) விரைவில் ஓய்வு பெற உள்ளதால் அந்தப் பதவி காலியாகிறது. இதன் காரணமாக, புதிய ஆணையரை தேர்வு செய்யும் பணிகள் தொடங்கப்பட்டுள்ளன. மத்திய ஊழல் கண்காணிப்பு ஆணையர் பற்றி CVC என்பது இந்தியாவின் மிக உயர்ந்த ஊழல் தடுப்பு அமைப்பாகும். ஊழல் தடுப்பு குறித்த கே. சந்தானம் குழுவின் 1964 பரிந்துரைகளின் அடிப்படையில் இது நிறுவப்பட்டது. மத்திய ஊழல் தடுப்பு ஆணையச் சட்டம், 2003-ன் கீழ் இதற்கு சட்டப்பூர்வ அந்தஸ்து வழங்கப்பட்டது. இதில் மத்திய ஊழல் தடுப்பு ஆணையர் (தலைவர்) மற்றும் அதிகபட்சம் இரண்டு ஊழல் தடுப்பு ஆணையர்கள் இருப்பார்கள். பிரதமர் (தலைவர்), உள்துறை அமைச்சர் மற்றும் மக்களவை எதிர்க்கட்சித் தலைவர் ஆகியோரைக் கொண்ட குழுவின் பரிந்துரையின் அடிப்படையில் குடியரசுத் தலைவரால் உறுப்பினர்கள் நியமிக்கப்படுகிறார்கள். பதவிக்காலம் 4 ஆண்டுகள் அல்லது 65 வயது வரை, இதில் எது முந்தையதோ அதுவரை பதவியில் வகிப்பார்.
வரலாறு
நியமனங்கள் மத்திய ஊழல் கண்காணிப்பு ஆணையராக பிரவீண் குமார் ஸ்ரீவாஸ்தவா பதவியேற்பு மே 29, 2023 மத்திய ஊழல் கண்காணிப்பு ஆணையராக பிரவீண்குமார் ஸ்ரீவாஸ்தவா பதவியேற்றார். தில்லியில் உள்ள குடியரசுத் தலைவர் மாளிகையில், குடியரசுத் தலைவர் திரௌபதி முர்மு முன்னிலையில் ஸ்ரீவாஸ்தவா பதவியேற்றார். CVC-பற்றிய குறிப்பு உருவாக்கப்பட்டது – பிப்ரவரி 11, 1964. பரிந்துரை குழு – ஊழல் தடுப்பு குழு (தலைவர் கே. சந்தானம்). மத்திய ஊழல் கண்காணிப்பு ஆணையத்தில் சிவிசி, இரண்டு ஊழல் கண்காணிப்பு ஆணையர்கள் இருக்க வேண்டும். சிவிசி மற்றும் ஊழல் கண்காணிப்பு ஆணையர்கள் 4 ஆண்டுகள் அல்லது 65 வயதை எட்டும் வரை அப்பதவிகளை வகிக்கலாம்.
