அரசு நலத்திட்டங்கள் ஊட்டச்சத்து குறைபாடுடைய குழந்தைகளுக்கு செறிவூட்டப்பட்ட பிஸ்கட் வழங்கும் திட்டம் – தொடக்கம். ஊட்டச்சத்து குறைபாடுடைய குழந்தைகளுக்கு செறிவூட்டப்பட்ட பிஸ்கட் வழங்கும் திட்டத்தை சமூக நலன், மகளிர் உரிமைத் துறை அமைச்சர் பி.கீதாஜீவன் தொடங்கி வைத்தார். இத்திட்டம் விழுப்புரம் கீழ்பெரும்பாக்கம் அங்கன்வாடியில் தொடங்கப்பட்டது. 6 வயதுக்குள்பட்ட குழந்தைகளின் வளர்ச்சி, ஊட்டச்சத்து கண்காணிப்பை தீவிரப்படுத்தும் நோக்கில், ஊட்டச்சத்தை உறுதி செய்யும் திட்டத்தை சட்டப்பேரவையில் முதல்வர் மு.க.ஸ்டாலின் அறிவித்திருந்தார். கடுமையான ஊட்டச்சத்து குறைபாடுடைய குழந்தைகளுக்கு நாளொன்றுக்கு 60 கிராம் என்ற அளவில் ஆண்டுக்கு 300 நாள்களுக்கு செறிவூட்டப்பட்ட பிஸ்கட் வழங்கப்படும். புலம்பெயர் தொழிலாளர்கள் இடமாற்றத்தின் போது அங்கன்வாடி சேவைகளை அணுக போஷன் செயலி உதவுகிறது ஒரே நாடு, ஒரே அங்கன்வாடி திட்டத்தில் 57,000க்கும் மேற்பட்ட புலம்பெயர் தொழிலாளர்கள் பதிவு செய்துள்ளதாக பெண்கள் மற்றும் குழந்தைகள் மேம்பாட்டு அமைச்சகம் தெரிவித்துள்ளது. பதிவு செய்யப்பட்ட மொத்த பயனாளிகள் – 10.6 கோடி அதில் 47.6 லட்சம் பாலூட்டும் தாய்மார்கள், 7.48 கோடி கர்ப்பிணிப் பெண்கள் மற்றும் மீதமுள்ள குழந்தைகள். போஷன் அபியான் பற்றி திட்டம் 2018 இல் தொடங்கப்பட்டது. பருவப் பெண்கள், கர்ப்பிணிப் பெண்கள், பாலூட்டும் தாய்மார்கள் மற்றும் 0-6 வயதுக்குட்பட்ட குழந்தைகளின் ஊட்டச்சத்து நிலையை வலியுறுத்துவதில் கவனம் செலுத்துகிறது.
