தமிழ்நாடு நிகழ்வுகள்

கலைஞர் மகளிர் உரிமைத் தொகை (KMUT) திட்டம்

• சமூக மீளுருவாக்கத்திற்கான சட்டங்கள் (The Laws of Social Reproduction) திட்டம் ,”கவனிப்பிற்கான உரிமை, நலத்திட்டத்திற்கான உரிமை” என்ற தலைப்பில் நடத்தப்பட்ட ஆய்வில், KMUT பயனாளிகளில் 49% பேர் வீட்டுப் பொருட்களை வாங்குவதற்காக இந்த உதவித்தொகையைப் பயன்படுத்தியதாக கண்டறியப்பட்டது.

கலைஞர் மகளிர் உரிமைத் தொகை (KMUT) திட்டம் பற்றி

• தமிழ்நாடு அரசால் செப்டம்பர் 2024 இல் தொடங்கப்பட்டது
• தகுதியுள்ள பெண்களுக்கு மாதம் ₹1,000 பண உதவி வழங்குகிறது.
• பெண்களின் ஊதியம் வழங்கப்படாத வீட்டு வேலை மற்றும் பராமரிப்பு வேலைகளை அங்கீகரித்து ஆதரிக்கும் நோக்கம் கொண்டது.
• 21 வயதை முடித்த பெண்கள் (செப்டம்பர் 15, 2002 க்கு முன் பிறந்தவர்கள்) இந்தத் திட்டத்திற்கு விண்ணப்பிக்க தகுதியுடையவர்கள்.
• ஒரு ரேஷன் அட்டையில் ஒரு பெண் மட்டுமே விண்ணப்பிக்க தகுதியுடையவர்.

பரம்பிக்குளம் – அழியார் ஆற்றுத் திட்டம்

• திருப்பூர் மாவட்ட விவசாயிகளின் நீண்டகால கோரிக்கையான பரம்பிக்குளம்-அழியார் நீர்ப்பாசனத் திட்டத்தின் அடுத்தகட்டமான நீராறு-நல்லாறு மற்றும் அணைமலையார் திட்டங்கள் விரைவில் செயல்படுத்தப்படும் என்று தமிழ்நாடு முதலமைச்சர் அறிவித்தார்.
• தமிழ்நாடு-கேரள எல்லையில் மேற்குத் தொடர்ச்சி மலையில் உற்பத்தியாகி மேற்கு நோக்கி கடலில் கலக்கும் நீரை இரு மாநிலங்களின் விவசாயத்திற்கும் பயன்படுத்த திசை திருப்புவதற்காக பரம்பிக்குளம் – அழியார் ஆற்றுத் திட்டம் செயல்படுத்தப்பட்டுள்ளது.
• இந்தத் திட்டம் இரு மாநில அரசுகளின் ஒத்துழைப்புடன் 1962 இல் செயல்பாட்டிற்கு வந்தது.
• ராமேசுவரம்  உள்கட்டமைப்புகளை மேம்படுத்தும் திட்டம்
  • பாக் நீரிணை மற்றும் மன்னார் வளைகுடாவை இணைக்கும் பாம்பன் கால்வாய், மீன்பிடிக் கப்பல்கள் போன்ற சிறிய கப்பல்கள் கடல் வழியாக வர்த்தகம் செய்ய உதவுகிறது.
  • இது இந்தியாவின் கிழக்கு-மேற்கு பகுதிகளை கடல் வழியாக இணைக்கிறது. இக்கால்வாயில் தற்போதுள்ள ஆழம் 2.0 மீட்டர் மட்டுமே.
  • ஐஐடி சென்னை (துறைமுகங்கள், கடற்கரைகளுக்கான நீர்வழிகள் மற்றும் தேசிய தொழில்நுட்ப மையம்) விரிவான திட்ட அறிக்கையை சமர்ப்பித்தவுடன், இந்தியாவின் தெற்குப் பகுதியில் கடல் வழியாக கிழக்கு – மேற்கு இணைப்பை உறுதி செய்வதற்கு சாகர் மாலா திட்டத்தின் கீழ் 100 சதவீதம் மானியத்துடன் இத்திட்டத்துக்கான நிதி உதவியை மத்திய அரசு வழங்க வலியுறுத்தப்பட்டது

  அகல் விளக்கு திட்டம்

  • நோக்கம்: டிஜிட்டல் வெளியில் மாணவிகளின் பாதுகாப்பை உறுதி செய்தல்.
  • இலக்கு குழு: தமிழ்நாட்டில் 9 முதல் 12ஆம் வகுப்பு வரையிலான மாணவிகள்.
  • கவனம்: மாணவர்களுக்கு மன, உடல் மற்றும் சமூக சவால்களிலிருந்து பாதுகாப்பிற்கான கருவிகளை வழங்குதல், இணைய பாதுகாப்பிற்கு முன்னுரிமை வழங்குதல்.
  • இளம் பெண்களுக்கு பாதுகாப்பான மற்றும் ஆதரவான டிஜிட்டல் சூழலை உருவாக்குவதில் அரசின் அர்ப்பணிப்பை இந்தத் திட்டம் பிரதிபலிக்கிறது.
  • செயல்படுத்தல்:
  • பள்ளிக் கல்வித் துறையால் விழிப்புணர்வு புத்தகங்கள் வெளியிடப்பட்டுள்ளன.
  • மாணவிகள் எதிர்கொள்ளும் பிரச்சனைகளை கண்டறிந்து நிவர்த்தி செய்ய ஆசிரியர்கள் மற்றும் மாணவர்களின் குழுக்கள் உருவாக்கப்படும்.
  • தொழில் வழிகாட்டுதலில் பயிற்சி பெற்ற ஆசிரியர்கள் பாதுகாப்பான இணைய பயன்பாடு பற்றிய விழிப்புணர்வை ஏற்படுத்த கூடுதல் பயிற்சி பெறுவர்.
  • மாணவர்களுக்கு ஆலோசனை வழங்கப்படும்.
  • தமிழ்நாட்டில் ஓய்வூதியக் குழு
    • அரசு ஊழியர்கள் மற்றும் ஆசிரியர்களுக்கான ஓய்வூதியத் திட்டங்களை ஆய்வு செய்ய தமிழ்நாடு அரசால் மூத்த ஐஏஎஸ் அதிகாரி ககன்தீப் சிங் பேதியின் தலைமையில் ஒரு குழு அமைக்கப்பட்டுள்ளது.
    • மூன்று ஓய்வூதியத் திட்டங்களை மறுஆய்வு செய்ய பிப்ரவரி 2025 இல் தமிழ்நாடு அரசால் இந்தக் குழு அமைக்கப்பட்டது:
    • பங்களிப்பு ஓய்வூதியத் திட்டம் (சிபிஎஸ்)
    • பழைய ஓய்வூதியத் திட்டம் (ஓபிஎஸ்)
    • ஒருங்கிணைந்த ஓய்வூதியத் திட்டம் (யுபிஎஸ்)
    • ஏப்ரல் 1, 2003 முதல் பணியில் சேரும் ஊழியர்களுக்கு தமிழ்நாட்டில் சிபிஎஸ் செயல்படுத்தப்பட்டது.
    • தேசிய ஓய்வூதியத் திட்டம் (என்பிஎஸ்) மத்திய அரசால் ஜனவரி 1, 2004 முதல் அறிமுகப்படுத்தப்பட்டது.
    • பல மாநில அரசு ஊழியர்கள் ஏப்ரல் 1, 2003 க்கு முன் நடைமுறையில் இருந்த ஓபிஎஸ் ஐ மீண்டும் தொடங்க வேண்டும் என்று கோரிக்கை விடுத்துள்ளனர்.
    • ஒருங்கிணைந்த ஓய்வூதியத் திட்டம் (யுபிஎஸ்) ஓபிஎஸ் கோரிக்கைகளுக்கு பதிலளிக்கும் விதமாக ஜனவரி 24, 2025 அன்று மத்திய அரசால் அறிமுகப்படுத்தப்பட்டது.
    • அரசுப் பணியில் 25 ஆண்டுகள் பூர்த்தி செய்பவர்கள் இந்தத் திட்டத்தில் சேர தகுதியுடையவர்கள்.
    • இந்தக் குழு செப்டம்பர் 30, 2025 க்குள் தனது அறிக்கையைச் சமர்ப்பிக்கும் என்று எதிர்பார்க்கப்படுகிறது.

    முதலமைச்சரின் தாயுமானவர் திட்டம்

    • நாள் : 12.8.2025
    • இடம் : தண்டையார்பேட்டை, சென்னை.
    • வயது முதிர்ந்தோர், மாற்றுத்திறனாளிகள் இல்லங்களுக்கே சென்று ரேசன் பொருள்கள் வழங்கும் திட்டம்
    • தனியாக வசிக்கும் 70 வயதுக்கும் மேற் பட்ட முதியவர்கள், மாற்றுத்திறனாளிகளின் வீடுகளுக்கு ரேஷன் பொருள்களை நேரடியாக அளிக்கும் திட்டம் சோதனை அடிப்படையில் மேற்கொள்ளப்பட்டது.
    • இதைத் தொடர்ந்து திட்டத்தை மாநிலம் முழுவதும் செயல்படுத்த முடிவுசெய்யப்பட்டது.
    • ஒவ்வொரு மாதமும் இரண்டாவது சனி மற்றும் ஞாயிற் றுக்கிழமைகளில் திட்டம் நடைமுறைப்படுத்தப்படும்.
    • இந்தத் திட்டத்தில் பயன்பெற தகுதியுள்ள குடும்ப அட்டைகள் மற்றும் பயனாளர்களின் விவரம் உணவுப்பொருள் வழங்கல் மற்றும் நுகர்வோர் பாதுகாப்புத் துறையிடம் இருந்து பெறப்பட்டு, கள அலுவலர்களுக்கு அனுப்பப்பட்டுள்ளது.