வெல்லம் வெல்லம் பற்றிய தகவல்கள் 'குர்' எனப் பிரபலமாக அறியப்படும் வெல்லம், ஒரு பாரம்பரியமான மற்றும் செம்மைப்படுத்தப்படாத இயற்கை இனிப்பூட்டியாகும். இது எவ்வித வேதிப்பொருட்களையும் பயன்படுத்தாமல், கரும்புச் சாற்றைச் சுண்டக் காய்ச்சித் தயாரிக்கப்படுகிறது. தேன் போன்றே அதிக ஊட்டச்சத்து மதிப்பைக் கொண்டிருப்பதால், இது பெரும்பாலும் "மருத்துவ குணம் வாய்ந்த சர்க்கரை" என்றழைக்கப்படுகிறது. வெல்லம் உற்பத்தியில் இந்தியாவின் நிலை உலகளாவிய வெல்லம் உற்பத்தியில் 70 சதவீதத்திற்கும் அதிகமான பங்கை இந்தியா வகிக்கிறது; இதன் மூலம் உலகிலேயே மிகப்பெரிய வெல்லம் உற்பத்தி நாடாகத் திகழ்கிறது. வெல்லம் உற்பத்தி பெரும்பாலும் பரவலாக்கப்பட்ட மற்றும் சிறு அளவிலான குடிசைத் தொழில்கள் வாயிலாகவே நடைபெறுகிறது. இந்தியாவில் கரும்பு உற்பத்தி (2024–25) 2024–25 ஆம் ஆண்டில் இந்தியாவின் மொத்த கரும்பு உற்பத்தி 444.9 மில்லியன் டன்களாக மதிப்பிடப்பட்டுள்ளது. மொத்த கரும்பு உற்பத்தியில் உத்தரப்பிரதேச மாநிலம் 48.5 சதவீதப் பங்களிப்பை வழங்கியுள்ளது. மகாராஷ்டிரா மாநிலம் 24.1 சதவீதமும், கர்நாடக மாநிலம் 10.5 சதவீதமும் பங்களித்துள்ளன. குஜராத், தமிழ்நாடு, பீகார், உத்தரகாண்ட், பஞ்சாப், மத்தியப் பிரதேசம் மற்றும் ஹரியானா ஆகியவை கரும்பு உற்பத்தியில் முக்கியப் பங்கு வகிக்கும் பிற மாநிலங்களாகும். தமிழ்நாட்டின் ஊட்டச்சத்துத் திட்டங்களில் வெல்லம் குழந்தைகளிடையே நிலவும் ஊட்டச்சத்துக் குறைபாட்டைப் போக்கவும், பள்ளிகளில் குழந்தைகளின் வருகையை அதிகரிக்கவும், தமிழ்நாடு அரசு தனது ஊட்டச்சத்துத் திட்டங்களில் வெல்லத்தை ஒரு முக்கிய அங்கமாக இணைத்துள்ளது. 'சத்துணவுத் திட்டம்' மற்றும் 'ஒருங்கிணைந்த குழந்தை மேம்பாட்டுச் சேவைகள்'ஆகியவற்றின் கீழ், குழந்தைகளுக்குத் துணையாக வழங்கப்படும் ஊட்டச்சத்து உணவுகள், ஆண்டுக்கு 300 நாட்களுக்கு 'வீட்டிற்கே எடுத்துச் செல்லும் உணவுப் பொட்டலங்களாக' வழங்கப்படுகின்றன. இந்தத் துணை ஊட்டச்சத்து உணவுக்கலவையில் வெல்லம் சுமார் 27 சதவீத இடத்தைப் பிடித்துள்ளது; இது அந்த உணவின் ஆற்றல் மற்றும் நுண்ணூட்டச்சத்து மதிப்பை மேம்படுத்துகிறது. இந்தத் துணை ஊட்டச்சத்து உணவுக்கலவை பொதுவாக 'சத்துமாவு' என்ற பெயரில் அழைக்கப்படுகிறது. இந்தச் சத்துமாவு, பெண்களால் நிர்வகிக்கப்படும் 25 கூட்டுறவுச் சங்கங்கள் மற்றும் இரண்டு தனியார் உற்பத்தி நிறுவனங்களிடமிருந்து 65:35 என்ற விகிதத்தில் கொள்முதல் செய்யப்படுகிறது. நிதி ஆயோக் (NITI Aayog) அமைப்பின் கூற்றுப்படி, தமிழ்நாட்டில் இம்முயற்சியின் வாயிலாக ஏறத்தாழ 32.75 லட்சம் பயனாளிகள் ஊட்டச்சத்து நிறைந்த உணவைப் பெறுகின்றனர். இத்திட்டம், வெல்லம் போன்ற பாரம்பரியமான மற்றும் ஊட்டச்சத்து செறிந்த உணவுப் பொருட்களைப் பயன்படுத்துவதையும் ஊக்குவிக்கிறது. புவிசார் குறியீடு (GI) பெற்ற வெல்ல வகைகள் ஒரு குறிப்பிட்ட புவியியல் பகுதியுடன் தொடர்புடைய பொருட்களைப் புவிசார் குறியீடு (GI) அடையாளம் காட்டுகிறது. புவிசார் குறியீடு அங்கீகாரம், அப்பகுதியின் பிராந்திய அடையாளத்தை வலுப்படுத்துவதுடன், பாரம்பரியமான பதப்படுத்தும் முறைகளையும் பாதுகாக்கிறது. கோலாப்பூர் வெல்லம் (மகாராஷ்டிரா), அதன் பொன்னிறத்திற்கும் அதிக அளவு சுக்ரோஸ் (சர்க்கரைச் சத்து) உள்ளடக்கத்திற்கும் பெயர் பெற்றது. முசாபர்நகர் வெல்லம் (உத்தரப்பிரதேசம்), உயர்தரக் கரும்பிலிருந்து தயாரிக்கப்படும் அதன் ஏற்றுமதித் தரமிக்க உற்பத்திக்குப் புகழ்பெற்றது. மரயூர் வெல்லம் (கேரளா), அதன் தூய்மை மற்றும் மருத்துவ குணங்களுக்காகப் பெரிதும் மதிக்கப்படுகிறது. மத்திய திருவிதாங்கூர்…
