ஜன் விஸ்வாஸ் சட்டம் பின்னணி : ஜன் விஸ்வாஸ் சீர்திருத்தங்கள் மூலம் சட்டமுறை எடையளவுச் சட்டம் 2009-இன்கீழ் அறிமுகப்படுத்தப்பட்ட சீர்திருத்தங்களை விரைந்து அமல்படுத்த தென் மாநிலங்களுக்கு மத்திய அரசு உத்தரவிட்டுள்ளது. ஜன் விஸ்வாஸ் (விதிகளின் திருத்தம்) சட்டமானது, 79 சட்டங்கள் மற்றும் 784 விதிகளின் கீழ் குற்றவியல் தன்மையை நீக்குவதையும் மற்றும் விதிமுறைகளுக்கு இணங்குவதை எளிமைப்படுத்துவதையும் கட்டாயமாக்குகிறது. இந்தச் சீர்திருத்தம், வர்த்தகர்கள் மற்றும் வணிக நிறுவனங்கள் மீதான ஒழுங்குமுறைச் சுமையைக் குறைப்பதன் மூலம் 'எளிதாக வணிகம் செய்வதை' மேம்படுத்துவதை நோக்கமாகக் கொண்டுள்ளது. இதன் முக்கிய நோக்கம், நேர்மையான வணிகங்களுக்கு ஆதரவளிப்பதே ஆகும். அதே நேரத்தில் மோசடி, விதிமீறல்கள் மற்றும் முறைகேடுகளுக்கு எதிராக கடுமையான நடவடிக்கை எடுக்கப்படுவதையும் இது உறுதி செய்கிறது. தேவையான ஆவணங்களைச் சமர்ப்பித்த பிறகு, எந்தவித தாமதமும் அல்லது நடைமுறைச் சிக்கல்களும் இன்றி, பதிவுகள் மற்றும் உரிமங்களை விரைவாக வழங்குவதை உறுதி செய்யுமாறு மாநில அரசுகளுக்கு உத்தரவிடப்பட்டுள்ளது.
