அரசியல்சாசன சட்ட பிராந்திய மொழியாக்கத்தால் விழிப்புணர்வு பெருகும் பின்னணி : சர்வதேச தாய்மொழி தினத்தை முன்னிட்டு, இந்திய அரசியலமைப்பு சட்டத்தின் புதுப்பிக்கப்பட்ட தமிழ் மற்றும் குஜராத்தி மொழி பதிப்புகளையும், சட்ட சொற்களஞ்சியத்தின் ஆங்கிலம்–ஹிந்தி எட்டாவது பதிப்பையும் துணை குடியரசு தலைவர் வெளியிட்டார். அரசியலமைப்பை பிராந்திய மொழிகளில் வழங்குவது சட்ட விழிப்புணர்வு மற்றும் ஜனநாயக பங்கேற்பை அதிகரிக்கும் என தெரிவிக்கப்பட்டது. கடந்த 10 ஆண்டுகளில் போடோ, டோக்ரி, சந்தாலி மற்றும் நேபாளி மொழிகளில் முதல்முறையாக அதிகாரப்பூர்வ பதிப்புகள் வெளியிடப்பட்டன. மொழி என்பது ஒரு நாட்டின் கலாசார உணர்வுகளுக்கான பாலமாகும் என Mahatma Gandhi கூறியதையும், பல மொழிகளைப் பேசினாலும் பாரதத் தாய்க்கு சேவை செய்வதில் இந்தியர்கள் ஒன்றுபட்டிருக்க வேண்டும் என Subramania Bharati வலியுறுத்தியதையும் அவர் குறிப்பிட்டார். இந்திய அரசியலமைப்பு இந்திய அரசியலமைப்புச் சட்டம் நவம்பர் 26, 1949 அன்று ஏற்றுக்கொள்ளப்பட்டது. இது ஜனவரி 26, 1950 அன்று நடைமுறைக்கு வந்தது, இந்த தேதி ஆண்டுதோறும் இந்தியாவில் குடியரசு தினமாகக் கொண்டாடப்படுகிறது. அரசியலமைப்புச் சட்டம் இந்தியாவை இறையாண்மை கொண்ட, சோசலிச, மதச்சார்பற்ற மற்றும் ஜனநாயகக் குடியரசாக அறிவிக்கிறது. டாக்டர் பி.ஆர். அம்பேத்கர் இந்திய அரசியலமைப்பின் தலைமைச் சிற்பியாகக் கருதப்படுகிறார். உச்ச நீதிமன்றம் - திடக்கழிவு மேலாண்மைக்கான விதிகள் பின்னணி : உச்ச நீதிமன்றம், தேசிய பசுமைத் தீர்ப்பாயம் வழங்கிய தீர்ப்புகளை எதிர்த்து தாக்கல் செய்யப்பட்ட மேல்முறையீடுகளை விசாரிக்கும் போது, திடக்கழிவு மேலாண்மைக்கு நாடு முழுவதும் பின்பற்ற வேண்டிய புதிய வழிகாட்டுதல்களை வெளியிட்டது. சுத்தமான மற்றும் ஆரோக்கியமான சுற்றுச்சூழலுக்கான உரிமை அரசியலமைப்பின் 21வது சரத்தின் உள்ளார்ந்த பகுதியாகும் என்பதை உச்ச நீதிமன்றம் மீண்டும் வலியுறுத்தியது. மாவட்ட ஆட்சியர்கள் மூலம் திடக்கழிவு மேலாண்மை ஆய்வு நடத்தி, காலவரையறை நடவடிக்கை அறிக்கையை தலைமை செயலாளரிடம் சமர்ப்பிக்க உத்தரவிடப்பட்டது. மாநகராட்சி, நகராட்சி, கிராம பஞ்சாயத்துகள் திடக்கழிவு விதிகளை 100% பின்பற்ற வேண்டும் என வலியுறுத்தப்பட்டது. திடக்கழிவு கையாளும் முறையை கண்காணித்து, சம்பந்தப்பட்ட துறைகளுக்கு அறிக்கை அளிக்கும் அதிகாரம் மாவட்ட ஆட்சியர்களுக்கு வழங்கப்பட வேண்டும். திடக்கழிவு தொடர்பான புதிய விதிகள் ஏப்ரல் 1 முதல் அமலுக்கு வரும். மார்ச் 31க்குள் அதிகக் கழிவு உருவாக்குவோருக்கு உத்தரவு நகல் வழங்கப்பட வேண்டும். பள்ளிப் பாடத்திட்டத்தில் திடக்கழிவு மேலாண்மை விதிகள் சேர்க்கப்பட வேண்டும்,உள்ளூர் மொழிகளில் மொழிபெயர்ப்பு செய்ய வேண்டும். விதிமீறல்கள் நிர்வாக குறைபாடாக மட்டும் கருதப்படாமல், அபராதம் மற்றும் கடுமையான நடவடிக்கை எடுக்க வேண்டும். தொடர்ச்சியான விதிமீறல் ஏற்பட்டால், சுற்றுச்சூழல் சட்டங்களின் கீழ் கிரிமினல் வழக்குகள் தொடர வேண்டும். பொதுமக்களுக்கு விழிப்புணர்வு ஏற்படுத்தி, வீட்டிலேயே கழிவுகளை பிரித்து ஒப்படைக்கும் பழக்கத்தை ஊக்குவிக்க உள்ளாட்சி அமைப்புகள் நடவடிக்கை எடுக்க வேண்டும்.
