வரலாறு மற்றும் பண்பாடு கீழடியில் கண்டறியப்பட்ட பண்டைக்கால இரும்பு உலைக் கலன் சூழல்: சிவகங்கை மாவட்டம், கீழடியில் நடைபெற்று வரும் 11-ஆம் கட்ட அகழாய்வில் பண்டைய கால தமிழர்களின் திறனைப் பறைசாற்றும் இரும்பு உலைக்கலன் கண்டறியப்பட்டது. 11-ஆம் கட்ட அகழாய்வுப் பணிகள் கீழடியில் 11-ஆம் கட்ட அகழாய்வுப் பணிகள் கடந்த மார்ச் 18-ஆம் தேதி முதல் நடைபெற்று வருகின்றன. தற்போது சுமார் ஒன்றரை ஏக்கர் பரப்பளவில் 9 குழிகள் தோண்டப்பட்டு, அகழாய்வு நடைபெற்று வருகிறது. முந்தைய அகழாய்வுகளின் கண்டுபிடிப்புகள் ஏற்கெனவே நடைபெற்ற அகழாய்வுகளில் ஏராளமான இரும்புப் பொருள்களும், தொழிற்சாலை இருந்ததற்கான கட்டமைப்புகளும் கண்டறியப்பட்டன. இரும்பு உலைக்கலன் கண்டுபிடிப்பு கீழடியில் நடைபெற்று வரும் 11-ஆவது கட்ட அகழாய்வில் கண்டறியப்பட்ட பண்டைக் கால இரும்பு உலைக்கலன் கண்டறியப்பட்டது. இந்த உலைக்கலன் இரும்புத் தாதுக்களை உருக்கப் பயன்படுத்தப்படுபவையாகும். சங்க காலத்தில் இந்த உலைக் கலனைப் பயன்படுத்தி கத்தி, அரிவாள், வேளாண் கருவிகள் உள்ளிட்ட இருப்புப் பொருள்களைத் தயார்செய்திருக்கலாம் எனதொல்லியல் ஆய்வாளர்கள் கருதுகின்றனர். தற்போது கண்டறியப்பட்ட இந்த உலைக்கலன் மூலம் கீழடி பகுதி வெறும் குடியிருப்புப் பகுதியாக மட்டுமல்லாமல், முக்கிய தொழில் துறை மையமாக இருந்திருக்கலாம் என்பது உறுதியாகியுள்ளது. இரும்பு உற்பத்தி மற்றும் உலோகத் தொழில் ஏற்கனவே அகழாய்வுகளில் கிடைத்த இரும்புப் பொருள்களுடன் இந்த உலைக்கலனை ஒப்பிட்டுப் பார்க்கும் போது, கீழடியில் இரும்பு உற்பத்தி, உலோகத் தொழில் மிகச் சிறப்பான முறையில் நடைபெற்றிருப்பது தெரியவருகிறது. லைடன் செப்பேடுகள்: வரலாறும் மரபும் சூழல்: புகழ்பெற்ற லைடன் செப்பேடுகள் (ஆனைமங்கலம் செப்பேடுகள்) இந்தியாவுக்குத் திரும்பவுள்ளன. சோழர் காலத்து பௌத்த விகாரை (மடம்) மற்றும் அதற்கான வரிவிலக்கு அளிக்கப்பட்ட நிலங்களின் நிலை குறித்த ஆர்வத்தை இச்செப்பேடுகள் மீண்டும் தூண்டியுள்ளன. லைடன் செப்பேடுகள் மற்றும் சூடாமணி விகாரம்: வரலாற்று காலவரிசை நிறுவுதல் மற்றும் சோழர் ஆதரவு கி.பி. 1005: கடாரத்தின் (ஸ்ரீ விஜய ராஜ்ஜியம்) சூடாமணி வர்மனால் இந்த விகாரம் நிறுவப்பட்டது. கட்டுமான நிறைவு: இவரது மகன் மரவிஜயோத்துங்கவர்மன், தன் தந்தையைச் சிறப்பிக்கும் வகையில் கட்டுமானப் பணிகளை நிறைவு செய்தார். ஆரம்பகால நிலக்கொடை: முதலாம் ராஜராஜ சோழன், ஆனைமங்கலம் கிராமத்தையும் அதைச் சுற்றியுள்ள நிலங்களையும் இதற்காக வழங்கினார். கொடை வழங்கப்பட்ட காலம்: முதலாம் ராஜராஜ சோழனின் ஆட்சியின் 21-வது ஆண்டில் இந்த நிலம் வழங்கப்பட்டது. வகைப்பாடு: இது 'பள்ளிச்சந்தம்' என வகைப்படுத்தப்பட்டது; அதாவது இந்து அல்லாத மத நிறுவனங்களுக்கு வழங்கப்படும் வரிவிலக்கு பெற்ற நிலம் என்று இதற்குப் பொருள். கி.பி. 1035: ராஜராஜ சோழனின் மறைவுக்குப் பிறகு, முதலாம் ராஜேந்திர சோழன் 21 செப்பேடுகளில் நில எல்லைகளைப் பதிவு செய்தார். கி.பி. 1090: இக்கொடையைப் புதுப்பிப்பதற்காக ஸ்ரீ விஜய நாட்டு மன்னர், முதலாம் குலோத்துங்க சோழனிடம் தூதுவர்களை அனுப்பினார். புதுப்பித்தல் ஆவணம்: முதலாம் குலோத்துங்க சோழன் கூடுதலாக மூன்று செப்பேடுகளில் புதிய ஆவணத்தை வெளியிட்டார். கல்விசார் கண்டுபிடிப்பு மற்றும் வாசிப்பு ஐரோப்பாவில் பாதுகாத்தல்: செப்பேடுகள் ஐரோப்பாவிற்கு எடுத்துச்…
