தேசியக் கொடி நாள் (திரங்கா ஏற்றுக்கொள்ளப்பட்ட நாள்) பின்னணி: இந்தியா 2025 ஜூலை 22 அன்று தேசியக் கொடி நாளை (திரங்கா ஏற்றுக்கொள்ளப்பட்ட நாள்) கடைப்பிடித்தது. 1947 ஜூலை 22 அன்று இந்திய அரசியலமைப்புச் சபையால் இந்தியத் தேசியக் கொடி ஏற்றுக்கொள்ளப்பட்டதை இந்நாள் குறிக்கிறது. இந்தியத் தேசியக் கொடி குறித்த முக்கிய உண்மைகள் இந்தியத் தேசியக் கொடியின் பரிணாம வளர்ச்சி 1904 – சகோதரி நிவேதிதாவின் கொடி சுவாமி விவேகானந்தரின் சீடரும் ஐரிஷ் சமூக சேவகருமான சகோதரி நிவேதிதாவால் வடிவமைக்கப்பட்டது. இதில் சிவப்பு மற்றும் மஞ்சள் நிறங்கள், வஜ்ரம் (வலிமையின் சின்னம்), வெள்ளை தாமரை (தூய்மை) மற்றும் "வந்தே மாதரம்" ஆகிய சொற்கள் இடம்பெற்றிருந்தன. 1906 – சுதேசி இயக்கக் கொடி இதுவே முதல் மூவர்ணக் கொடியாகக் கருதப்படுகிறது. சுதேசி இயக்கத்தின் போது கல்கத்தாவில் ஏற்றப்பட்டது. இதில் பச்சை, மஞ்சள் மற்றும் சிவப்பு நிறப் பட்டைகள், தாமரைகள், சூரியன், பிறை நிலவு மற்றும் "வந்தே மாதரம்" ஆகியவை இடம்பெற்றிருந்தன. 1907 – சப்தரிஷி கொடி ஜெர்மனியில் மேடம் பிகாஜி காமாவால் ஏற்றப்பட்டது. இதில் பச்சை, காவி மற்றும் சிவப்பு நிறப் பட்டைகள், தாமரைகள், "வந்தே மாதரம்", சூரியன் மற்றும் பிறை நிலவு ஆகியவை இடம்பெற்றிருந்தன. 1917 – தன்னாட்சி இயக்கக் (Home Rule Movement) கொடி அன்னி பெசன்ட் மற்றும் பால கங்காதர திலகர் ஆகியோரால் அறிமுகப்படுத்தப்பட்டது. இதில் சிவப்பு மற்றும் பச்சை நிறப் பட்டைகள், யூனியன் ஜாக் (பிரிட்டனின் கொடி), பிறை மற்றும் நட்சத்திரம், மற்றும் சப்தரிஷியைக் குறிக்கும் ஏழு நட்சத்திரங்கள் ஆகியவை இடம்பெற்றிருந்தன. 1921 – பிங்கலி வெங்கய்யாவின் வடிவமைப்பு ஆந்திரப் பிரதேசத்தைச் சேர்ந்த சுதந்திரப் போராட்ட வீரரான பிங்கலி வெங்கய்யா, சிவப்பு, வெள்ளை மற்றும் பச்சை நிறங்களுடன் ராட்டையை (சர்க்கா) கொண்ட கொடியை முன்மொழிந்தார். இவ்வடிவமைப்பு ஒற்றுமை மற்றும் சுயசார்பை வெளிப்படுத்தியது. தற்போதைய இந்தியக் கொடி முக்கியமாக அவரது வடிவமைப்பை அடிப்படையாகக் கொண்டது. 1931 – காங்கிரஸ் கொடி சிவப்பு நிறத்திற்குப் பதிலாக காவி நிறம் இடம்பெற்றது. இக்கொடியில் காவி, வெள்ளை மற்றும் பச்சை நிறப் பட்டைகள் இருந்தன; மையத்தில் ராட்டை (சர்க்கா) இடம்பெற்றிருந்தது. இது இந்தியத் தேசிய காங்கிரஸால் அதிகாரப்பூர்வமாக ஏற்றுக்கொள்ளப்பட்டது. 1947 – தற்போதைய தேசியக் கொடி 1947 ஜூலை 22 அன்று அரசியலமைப்பு நிர்ணய சபையால் ஏற்றுக்கொள்ளப்பட்டது. ராட்டினத்திற்குப் பதிலாக அடர் நீல நிற அசோகச் சக்கரம் இடம்பெற்றது. இந்திய தேசியக் கொடியின் சிறப்பம்சங்கள் பொதுப் பெயர்: திரங்கா (மும்வர்ணக் கொடி). வடிவமைப்பு: மூன்று கிடைமட்டப் பட்டைகள்: காவி (மேலே), வெள்ளை (நடுவில்), பச்சை (கீழே). வெள்ளை நிறப் பட்டையின் மையத்தில் அடர் நீல நிறத்திலான அசோகச் சக்கரம் அமைந்துள்ளது. அசோகச் சக்கரம் 24 ஆரங்களைக் (spokes) கொண்டுள்ளது. சாரநாத்தில் உள்ள அசோகரின் சிங்கத் தூணில் (Lion Capital of Ashoka) உள்ள சக்கரத்தின் அடிப்படையில் வடிவமைக்கப்பட்டது.…
