MAHA நீர் இயக்கம்
- சூழல்: அனுசந்தான் தேசிய ஆராய்ச்சி அறக்கட்டளையும் (ANRF), ஜல் சக்தி அமைச்சகமும் இணைந்து ‘MAHA நீர் இயக்கம்’ (MAHA Water Mission) ஒன்றை அறிமுகப்படுத்தின.
- மொத்த ஒதுக்கீடு: ₹200 கோடி.
நோக்கம்
- நீர்சார் துறையில் புதுமை மற்றும் தொழில்முனைவோரை ஊக்குவித்தல்.
- மேம்பட்ட நீர்சார் தொழில்நுட்பங்களின் உருவாக்கம் மற்றும் பயன்பாட்டைத் துரிதப்படுத்துதல்.
- இந்தியாவின் நீண்டகால நீர் பாதுகாப்பை வலுப்படுத்துதல்.
முன்னுரிமைத் தலைப்புகள்
இத்திட்டம் ஐந்து முக்கியத் துறைகளில் கவனம் செலுத்துகிறது:
- நீர் வள மதிப்பீடு மற்றும் நிலையான மேலாண்மை
- குடிநீர்
- நீரின் தரம் மற்றும் சூழலியல் நலம்
- நீர் பயன்பாட்டுத் திறன் மற்றும் சுழற்சிப் பொருளாதாரம்
- காலநிலைத் தாங்குதிறன் மற்றும் தகவமைப்பு
MAHA திட்டங்கள்
- மின்சார வாகனங்கள், ட்ரோன்கள், மருத்துவத் தொழில்நுட்பங்கள், 6G தகவல் தொடர்பு மற்றும் நீர் போன்ற துறைகளில், ‘அதிக தாக்கத்தை ஏற்படுத்தும் துறைகளின் முன்னேற்றத்திற்கான திட்டங்களை’ (MAHA) ANRF தொடங்கியுள்ளது.
முக்கியத்துவம்
- நீர் மேலாண்மைத் துறையில், ஆராய்ச்சியை அடிப்படையாகக் கொண்ட புதுமைகளை ஊக்குவிக்கிறது.
- கல்வி நிறுவனங்கள், தொழில்துறையினர், புத்தொழில் நிறுவனங்கள் மற்றும் அரசு ஆகியவற்றுக்கு இடையிலான ஒத்துழைப்பை வலுப்படுத்துகிறது.
- இந்தியாவுக்கான, நிலையான மற்றும் காலநிலைத் தாங்குதிறன் கொண்ட நீர்சார் தீர்வுகளுக்கு ஆதரவளிக்கிறது.
