ஆபரேஷன் ஹிம்சேது (Operation HimSetu)
- வடக்கு சிக்கிமில் நிலச்சரிவு மற்றும் லச்சென் (Lachen) அருகே புதிதாகக் கட்டப்பட்ட பாலம் இடிந்து விழுந்ததால் சிக்கித் தவித்த 1,400-க்கும் மேற்பட்ட சுற்றுலாப் பயணிகள் மற்றும் உள்ளூர் மக்களை வெளியேற்றவும், மீட்கவும் இந்திய ராணுவம் ‘ஆபரேஷன் ஹிம்சேது’ என்ற திட்டத்தைத் தொடங்கியுள்ளது.
- கடுமையான நிலச்சரிவுகளுடன் பாலம் இடிந்து விழுந்ததால் அப்பகுதியின் போக்குவரத்துத் தொடர்பு கடுமையாகப் பாதிக்கப்பட்டது, இந்த மீட்பு நடவடிக்கைக்குக் காரணமாக அமைந்தது.
நடப்பு தகவல்கள்
- சாகர்மாலா 2.0
- சாகர்மாலா திட்டம் மார்ச் 2015-இல் தொடங்கப்பட்டது.
- முந்தைய சாதனைகளின் அடிப்படையில் சாகர்மாலா 2.0 கட்டமைக்கப்பட்டுள்ளது.
- இது விரிவான கடல்சார் மேம்பாட்டு உத்திக்காக, ‘கடல்சார் இந்தியா தொலைநோக்கு (MIV) 2030’ மற்றும் ‘கடல்சார் அமிர்த கால தொலைநோக்கு (Maritime Amrit Kaal Vision) 2047’ ஆகியவற்றுடன் ஒருங்கிணைக்கப்பட்டுள்ளது.
- நவீனமயமாக்கப்பட்ட துறைமுகங்கள் மற்றும் மேம்படுத்தப்பட்ட கடல்சார் உள்கட்டமைப்பு மூலம் இந்தியாவை உலகளாவிய கடல்சார் மையமாக நிலைநிறுத்துவதே இதன் நோக்கமாகும்.
- துறைமுகங்களை மையமாகக் கொண்ட தொழில்மயமாக்கல், கடலோர மற்றும் உள்நாட்டுப் பகுதிகளுக்கான இணைப்பு, உள்நாட்டு நீர்வழிப் பாதைகள் மற்றும் கடலோரக் கப்பல் போக்குவரத்து சேவைகள் ஆகியவற்றில் இத்திட்டம் கவனம் செலுத்துகிறது.
சாகர்மாலா திட்டம் ஐந்து முக்கியத் தூண்களை அடிப்படையாகக் கொண்டது
- துறைமுக நவீனமயமாக்கல் (திறன் மேம்பாடு)
- துறைமுக இணைப்பு (சாலை, இரயில், நீர்வழி இணைப்புகள்)
- துறைமுகத்தை மையமாகக் கொண்ட தொழில்மயமாக்கல் (கடலோர பொருளாதார மண்டலங்கள்)
- கடலோர சமூக மேம்பாடு (வாழ்வாதார மேம்பாடு)
- கடலோரக் கப்பல் போக்குவரத்து மற்றும் உள்நாட்டு நீர்வழிகள் (தளவாட மேம்பாடு).
