தேசிய நிகழ்வுகள்

அறிவியல் சமூகப் பொறுப்பை (SSR) மேம்படுத்துவதில் இஸ்ரோவின் பங்கு

• சூழல்: இந்திய விண்வெளி ஆய்வு நிறுவனம் (ISRO), சமூகத்தின் பல்வேறு பிரிவினருக்குப் பயன்படும் வகையில் பரந்த அளவிலான விண்வெளி சார்ந்த செயலிகளை உருவாக்கியுள்ளது. இதன் மூலம் அறிவியல் சமூகப் பொறுப்பு (Scientific Social Responsibility – SSR) என்ற கருத்தாக்கத்தை இஸ்ரோ முன்னெடுத்துச் செல்கிறது.
• SSR என்றால் என்ன? இது கார்ப்பரேட் சமூகப் பொறுப்பை (CSR) போன்றது. விஞ்ஞானிகள் அறிவை உருவாக்குவதோடு மட்டுமல்லாமல், அதைச் சமூகத்துடன் பகிர்ந்து கொள்ளவும், மக்களுக்குக் கற்பிக்கவும் வேண்டிய தார்மீகக் கடமையை இது வலியுறுத்துகிறது.

SSR–க்கு இஸ்ரோவின் பங்களிப்புகள்

பழங்குடியின சமூகங்களுக்காக

• 19 மாநிலங்களில் உள்ள ஏகலைவா மாதிரி குடியிருப்புப் பள்ளிகளில் (Eklavya Model Residential Schools) சுமார் 75 “விண்வெளி ஆய்வகங்களை” (Space Labs) இஸ்ரோ அமைத்துள்ளது. இது விண்வெளி அறிவியல், தொழில்நுட்பம், பொறியியல் மற்றும் கணிதம் (STEM) ஆகிய பாடங்களில் மாணவர்களின் ஆர்வத்தை ஊக்குவிக்கிறது.

விவசாயிகள் மற்றும் மீனவர்களுக்காக

• மீனவர்கள் அதிக மீன்கள் கிடைக்கும் இடங்களைக் கண்டறிய சாத்தியமான மீன்பிடி மண்டல (PFZ)  உதவுகிறது.
• செயற்கைக்கோள் தரவுகளைப் பயன்படுத்திப் பயிர்களைக் கண்காணிக்கவும், காப்பீட்டு கோரிக்கைகளை மதிப்பீடு செய்யவும் உதவுகிறது.

மாணவர்களுக்காக

• யுவிகா (YUVIKA): இளம் விஞ்ஞானி திட்டம் என்ற பெயரில், 9-ஆம் வகுப்பு மாணவர்களுக்காக இரண்டு வார கால குடியிருப்புப் பயிற்சியை நடத்துகிறது.
• PM e-VIDYA: இத்திட்டத்தின் கீழ் தொலைதூரக் கல்விச் சேவைகளை வழங்குகிறது.
  நடப்பு தகவல்கள்

  
  

  • ஹீலியம்  நிறமற்ற, மணமற்ற, நச்சுத்தன்மையற்ற மற்றும் மந்த வாயுவாகும். இது முதன்மையாக சூப்பர் கண்டக்டிங் காந்தங்கள், எம்ஆர்ஐ (MRI) ஸ்கேனர்கள், ஸ்பெக்ட்ரோமீட்டர்கள் மற்றும் செமிகண்டக்டர் உற்பத்தி ஆலைகளைக் குளிர்விக்கப் பயன்படுகிறது. இதற்கு மாற்றாகப் பயன்படுத்தக் கூடியப் பொருட்கள் மிகக் குறைவே.
    பொதுமக்களுக்காக
    • முக்கிய அரசுத் திட்டங்களைத் திட்டமிடுவதற்கும் கண்காணிப்பதற்கும் தேவையான புவிசார் (Geospatial) தரவுகளை வழங்குகிறது.
    • தொலைதூர மருத்துவம் (Telemedicine) மற்றும் பேரிடர்களுக்கான முன்கூட்டிய எச்சரிக்கை அமைப்புகள் போன்ற சேவைகளைச் சாத்தியமாக்குகிறது.

    விண்வெளியில் பெண்கள் முன்னேற்றம்

    • ககன்யான் (Gaganyaan) திட்டத்தின் சோதனை ஓட்டத்தின் ஒரு பகுதியாக “வியோமித்ரா” (Vyommitra) என்ற பெண் உருவ மனித இயந்திரம் (Humanoid Robot) விண்வெளிக்கு அனுப்பப்பட உள்ளது.