தேசியத் திட்டங்கள்

தேசிய குடும்ப வருமானக் கணக்கெடுப்பு (NHIS) 2026

• பின்னணி: நாட்டின் முதலாவது குடும்ப வருமானக் கணக்கெடுப்பில் பங்கேற்பது ஒவ்வொரு குடிமகனின் பொறுப்பாகும்.
• கணக்கெடுப்பு காலம்: ஏப்ரல் 2026 முதல் மார்ச் 2027 வரை.

தேசிய குடும்ப வருமானக் கணக்கெடுப்பு (NHIS) 2026 பற்றி

• நாட்டின் பல்வேறு பிராந்தியங்கள் மற்றும் பல்வேறு சமூகக் குழுக்களின் வருமானத்தைத் தீர்மானிக்க இந்தக் கணக்கெடுப்பு நடத்தப்படுகிறது.
• நாட்டில் வருமானம் எவ்வாறு பரவியுள்ளது அல்லது பகிரப்பட்டுள்ளது என்பதைப் புரிந்துகொள்ள இது உதவுகிறது.
• பொருளாதாரத்தை மேம்படுத்தவும், வறுமையை ஒழிக்கவும் பயனுள்ள மற்றும் வலுவான உத்திகளை உருவாக்க இத்தரவுகள் பயன்படுத்தப்படும்.

சக்தி சதன் திட்டம் 

• பின்னணி: சவாலான அல்லது கடினமான சூழ்நிலைகளை எதிர்கொள்ளும் பெண்களுக்கு பாதுகாப்பான மற்றும் ஆதரவான சூழலை வழங்குவதற்காக ‘சக்தி சதன்’ திட்டம் வடிவமைக்கப்பட்டுள்ளது. 
• இது 2022-ஆம் ஆண்டில் மிஷன் சக்தி (Mission Shakti) திட்டத்தின் கீழ், முந்தைய சுவாதர் கிரே (Swadhar Greh) மற்றும் உஜ்வாலா (Ujjawala) ஆகிய திட்டங்களை ஒன்றிணைத்து உருவாக்கப்பட்டது.

நோக்கம்

• இக்கட்டான நிலையில் உள்ள பெண்களுக்கு பாதுகாப்பான தங்குமிடம் மற்றும் மறுவாழ்வு உதவிகளை வழங்குவதே இதன் முக்கிய நோக்கமாகும்.
• இது மத்திய அரசால் நிதியுதவி அளிக்கப்படும் , தேவையின் அடிப்படையில் மாநிலங்கள் மற்றும் யூனியன் பிரதேசங்களால் செயல்படுத்தப்படும் ஒரு திட்டமாகும்.
• இத்திட்டம் தங்குமிடம், உணவு, மருத்துவப் பராமரிப்பு, சட்ட உதவி, ஆலோசனை மற்றும் மறுவாழ்வு சேவைகள் போன்ற அத்தியாவசிய ஆதரவை வழங்குகிறது.
• இத்திட்டத்தின் செயல்பாடுகள் கள ஆய்வுகள், ஆய்வுக் கூட்டங்கள் மற்றும் ‘மிஷன் சக்தி டேஷ்போர்டு’ மூலம் கண்காணிக்கப்படுகின்றன.

மிஷன் சக்தி (Mission Shakti) பற்றி

• பெண்கள் நலனில் கவனம் செலுத்துவதற்காக மத்திய பெண்கள் மற்றும் குழந்தைகள் மேம்பாட்டு அமைச்சகத்தால் 2022-இல் தொடங்கப்பட்ட ஒரு குடைத் திட்டம்  இதுவாகும். 
• இது மத்திய மற்றும் மாநில அரசுகளின் ஒருங்கிணைப்போடு செயல்படுத்தப்படும் ஒரு திட்டமாகும்.

இது இரண்டு முக்கியப் பிரிவுகளைக் கொண்டுள்ளது

• சம்பல் (Sambal): பெண்களின் பாதுகாப்பு மற்றும் பாதுகாப்பிற்கு  முக்கியத்துவம் அளிக்கிறது.
• சமர்த்யா (Samarthya):  அதிகாரமளித்தல் மற்றும் ஒட்டுமொத்த மேம்பாட்டில் கவனம் செலுத்துகிறது.

பிரதமரின் இ-டிரைவ் திட்டம் 

• பின்னணி : பிரதமரின் இ-டிரைவ் திட்டத்தின்கீழ்
• பதிவு செய்யப்படும் மின்னணு இருசக்கர மற்றும் மூன்று சக்கர வாகனங்களுக்கு ஊக்கத்தொகை பெறுவதற்கான கால அவகாசத்தை மத்திய அரசு நீட்டித்துள்ளது.

பிரதமரின் இ-டிரைவ் திட்டம் பற்றி 

• பிரதமரின் இ-டிரைவ் திட்டம் 29.09.2024 அன்று தொடங்கப்பட்டது.
• இத்திட்டத்தின் ஆரம்ப செயலாக்க காலம் 01.04.2024 முதல் 31.03.2026 வரை இரு ஆண்டுகளாக நிர்ணயிக்கப்பட்டது.
• இத்திட்டம் மத்திய கனரக தொழிற்சாலைகள் அமைச்சகம் மூலம் செயல்படுத்தப்படுகிறது
• பின்னர் மத்திய கனரக தொழிற்சாலைகள் அமைச்சகம் திட்ட காலத்தை 31.03.2028 வரை நீட்டித்ததாக அறிவித்தது
• பிரதமரின் இ-டிரைவ் திட்டம் மின்சார வாகன பயன்பாட்டை அதிகரித்து, மின்னேற்றும் உள்கட்டமைப்பை விரிவுபடுத்தி ,மின்சார வாகன உற்பத்தி சூழலமைப்பை வலுப்படுத்தி கார்பன் வெளியீட்டை குறைத்து நிலையான போக்குவரத்தை ஊக்குவிப்பதே இதன் முக்கிய நோக்கமாகும்.

ஜல் ஜீவன் மிஷன் 2.0

• ஜல் ஜீவன் மிஷன் 2.0 திட்டத்தின் கீழ் மத்திய அரசுடன் சீர்திருத்தங்கள் தொடர்பான புரிந்துணர்வு ஒப்பந்தத்தில் (MoU) கையெழுத்திட்ட பன்னிரண்டாவது மாநிலமாக மேகாலயா உருவெடுத்துள்ளது.

ஜல் ஜீவன் மிஷன்

• இத்திட்டம் 2019 ஆகஸ்ட் 15 அன்று தொடங்கப்பட்டது.
•  2024-ஆம் ஆண்டுக்குள் அனைத்து கிராமப்புற வீடுகளுக்கும் ‘செயல்படும் வீட்டுக்குழாய் இணைப்புகள்’ (FHTC) மூலம் பாதுகாப்பான மற்றும் போதுமான குடிநீரை வழங்குவதை இது நோக்கமாகக் கொண்டுள்ளது.
• இத்திட்டத்தைச் செயல்படுத்தும் முதன்மை அமைச்சகம் ஜல் சக்தி அமைச்சகம் ஆகும்.
• அனைத்து 19.36 கோடி கிராமப்புற வீடுகளுக்கும் 100% குடிநீர் இணைப்பை (saturation) வழங்குவதற்காக, இத்திட்டத்தின் காலம் தற்போது 2028 டிசம்பர் வரை நீட்டிக்கப்பட்டுள்ளது.

• நடப்பு தகவல்கள்
  • கொள்முதல் மேலாளர்களின் குறியீடு (Purchasing Managers’ Index – PMI)
  • இது உற்பத்தி மற்றும் சேவை ஆகிய இரண்டு துறைகளிலும் நிகழும் பொருளாதார நடவடிக்கைகளின் அளவீடாகும்.
  • முந்தைய மாதத்துடன் ஒப்பிடும்போது, முக்கிய வணிகக் காரணிகள் எவ்வாறு மாறியுள்ளன என்பது குறித்து வணிக நிறுவனங்களிடம் நடத்தப்படும் கருத்துக்கணிப்புகளின் அடிப்படையில் இது கணக்கிடப்படுகிறது.
  • உற்பத்தி மற்றும் சேவைத் துறைகளுக்குத் தனித்தனியான குறியீடுகள் தயாரிக்கப்பட்டு, பின்னர் அவை ஒன்றாக இணைக்கப்பட்டு ஒரு ஒட்டுமொத்த ‘கூட்டுக் குறியீடாக’ உருவாக்கப்படுகின்றன.
  • கொள்முதல் மேலாளர்களின் கருத்துப்படி, வணிகச் சூழல் மேம்படுகிறதா, மோசமடைகிறதா அல்லது மாற்றமின்றி இருக்கிறதா என்பதை இந்தக் குறியீடு சுட்டிக்காட்டுகிறது.
    ஜல் ஜீவன் மிஷன் 2.0
    • • ஜல் ஜீவன் இயக்கம் மத்திய அமைச்சரவையால் டிசம்பர் 2028 வரை நீட்டிக்கப்பட்டுள்ளது.
    • ஜல் ஜீவன் இயக்கம் 2.0 எனப்படும் இந்தப் புதிய கட்டம், உள்கட்டமைப்பு உருவாக்கத்திலிருந்து கவனத்தை மாற்றி, நிலையான மற்றும் குடிமக்களை மையமாகக் கொண்ட சேவைகளை வழங்குவதை நோக்கமாகக் கொண்டுள்ளது.

    ஜல் ஜீவன் மிஷன் 2.0 புதிய நிர்வாக மற்றும் டிஜிட்டல் சீர்திருத்தம் 

    சுஜலம் பாரத் டிஜிட்டல் கட்டமைப்பு (Sujalam Bharat Digital Framework)

    • இது ஒவ்வொரு கிராமத்திற்கும் ஒரு தனித்துவமான அடையாள எண்ணை (Unique ID) வழங்குகிறது மற்றும் முழுமையான நீர் விநியோகச் சங்கிலியையும் வரைபடமாக்குகிறது.

    ஜல் அர்ப்பண் முன்முயற்சி (Jal Arpan initiative): 

    • நீர் வழங்கல் திட்டங்களை ஒப்படைக்கும் பணியில் கிராம ஊராட்சிகள் மற்றும் கிராம நீர் மற்றும் துப்புரவுக் குழுக்களை (VWSC) இது ஈடுபடுத்துகிறது.

    ஹர் கர் ஜல் சான்றிதழ் (Har Ghar Jal certification): 

    • உள்ளூர் அளவில் முறையான இயக்கம் மற்றும் பராமரிப்பு அமைப்புகள் (Operation and Maintenance) இருப்பதை உறுதி செய்த பின்னரே இந்தச் சான்றிதழ் வழங்கப்படுகிறது.

    ஜல் உற்சவம் (Jal Utsav): 

    • இது நீர் அமைப்புகளை ஆய்வு செய்யவும், நீடித்த நிலைத்தன்மையை ஊக்குவிக்கவும் ஆண்டுதோறும் நடத்தப்படும் சமூகம் சார்ந்த ஒரு நிகழ்வாகும்.