தமிழ்நாடு நிகழ்வு

முன்முயற்சிகள் /திட்டங்கள் 

தமிழ்நாடு கப்பல் கட்டுமானக்  கொள்கை 2026

• சூழல்:  உலகளாவிய கப்பல் கட்டும் தளங்களை ஈர்ப்பதற்கும், தமிழ்நாட்டை கப்பல் கட்டும் மையமாக மாற்றுவதற்கும், மூலதன மானியம் மற்றும் ஊக்கத்தொகை கட்டமைப்பை உள்ளடக்கிய “தமிழ்நாடு கப்பல் கட்டும் கொள்கை 2026″-ஐ தமிழக அரசு வெளியிட்டுள்ளது. இது ஒரு சிறப்பு நோக்கு நிறுவனத்தால் (SPV) செயல்படுத்தப்படும்.
• ஐந்தாண்டு காலக் கொள்கையானது, மிகப்பெரிய கச்சா எண்ணெய் சுமந்து செல்லும் கப்பல்கள் (VLCC) உட்பட, உயர் மதிப்புள்ள கடல்சார் கப்பல்களைத் தயாரிக்கும் திறன் கொண்ட நவீன மற்றும் நிலையான கப்பல் கட்டும் தளங்களை உருவாக்குவதை நோக்கமாகக் கொண்டுள்ளது.

நோக்கங்கள் 

• மாநிலத்தின் கடல்சார் உற்பத்தி சூழலை வலுப்படுத்துதல்.
• இந்தியாவின் நீலப் பொருளாதாரத்தில் (Blue Economy) தமிழ்நாட்டை ஒரு முக்கிய கப்பல் கட்டும் மையமாக நிலைநிறுத்துதல்.
• வடிவமைப்பு, தயாரிப்பு, பழுதுபார்த்தல், ஆராய்ச்சி மற்றும் மேம்பாடு (R&D) மற்றும் பயிற்சி ஆகியவற்றை உள்ளடக்கிய ஒருங்கிணைந்த கப்பல் கட்டும் தொகுப்புகளை (Clusters) உருவாக்குதல்.

ஊக்கத்தொகை பெற தகுதியுள்ள தொழில்கள்

பின்வரும் பணிகளில் ஈடுபடும் கப்பல் கட்டும் தளங்கள் தகுதியுடையவை:

• சர்வதேச மற்றும் கடலோர வர்த்தகத்திற்கான பெரிய கடல்சார் கப்பல்கள்.
• நடுத்தர அளவிலான சிறப்பு வகை கப்பல்கள்.
• பாதுகாப்பு மற்றும் கடற்படை கைவினைப் பொருட்கள் மற்றும் கடலோர காவல்படை கப்பல்கள்.
• நீர்மூழ்கிக் கப்பல்கள் மற்றும் நீருக்கடியில் செல்லும் போக்குவரத்து உபகரணங்கள்.
• இயந்திரமயமாக்கப்பட்ட மீன்பிடிப் படகுகள் (ட்ராலர்கள் மற்றும் FRP படகுகள் தவிர்த்து).
• கப்பல் பராமரிப்பு, பழுதுபார்த்தல் மற்றும் மறுசுழற்சி (மறுசுழற்சி செய்யப்பட்ட எஃகு செயலாக்கம் தவிர்த்து).

சிறப்பு நோக்கு நிறுவனம் 

• சிப்காட் (SIPCOT) நிறுவனத்தின் கீழ் ஒரு சிறப்பு நோக்கு நிறுவனத்தை (SPV) அரசு உருவாக்கும்.
• இந்த நிறுவனம்:

• தேர்ந்தெடுக்கப்பட்ட தொகுப்புகளில் கப்பல் கட்டும் தளங்களை நிறுவுவதற்கு வசதி செய்யும்.
• மத்திய அரசால் பரிந்துரைக்கப்பட்ட ஒரு நிறுவனத்தை முக்கிய பங்குதாரராக அழைக்கும்.
• முதலீடு மற்றும் உள்கட்டமைப்பு ஆதரவை மேம்படுத்தும்.

தமிழ்நாடு வேளாண் காடுகள் வளர்ப்புக் கொள்கை 2026

• சூழல்: விவசாய நிலங்களில் தேக்கு, சந்தனம், செம்மரம் மற்றும் ஈட்டி (Rosewood) போன்ற உயர் மதிப்புள்ள மரங்களின் சாகுபடியை ஊக்குவிக்கவும், மரம் வெட்டுதல் மற்றும் சந்தைப்படுத்துதல் நடைமுறைகளை எளிமைப்படுத்தவும், மாநிலத்தின் காடு மற்றும் மரங்களின் பரப்பளவை 33% ஆக உயர்த்தவும் நோக்கமாகக் கொண்டு “தமிழ்நாடு பண்ணைசார் காடுகள் கொள்கை 2026”-ஐ முதலமைச்சர் வெளியிட்டுள்ளார்.
• இக்கொள்கை மண்ணின் ஆரோக்கியத்தை மேம்படுத்தும், நீரைப் பாதுகாக்கும் மற்றும் காலநிலை மாற்றத்தைத் தாங்கும் திறன் கொண்ட மரங்களை ஊக்குவிப்பதன் மூலம் சுற்றுச்சூழல் சமநிலையை உறுதி செய்ய முயல்கிறது. இது சுற்றுச்சூழல் நிலைத்தன்மை மற்றும் ஒருங்கிணைந்த வளர்ச்சியை இலக்காகக் கொண்டுள்ளது.

நோக்கங்கள் 

• காடுகளின் பரப்பளவை அதிகரித்தல்.
• விவசாயிகளின் வருமானத்தை உயர்த்துதல்.
• நிலைத்தன்மையை (Sustainability) வலுப்படுத்துதல்.
• பண்ணைசார் காடுகளை ஊக்குவிக்க புதிய வாரியம் (Board) ஒன்றை உருவாக்குதல்.
• மரம் வெட்டுதல் மற்றும் சந்தைப்படுத்துவதற்கான நடைமுறைகளை எளிமைப்படுத்துதல்.

சாகுபடிக்கு ஊக்குவிக்கப்படும் மரங்கள்

• உயர் மதிப்புள்ள மரங்கள்: சந்தனம், செம்மரம், ஈட்டி (Rosewood).
• மரக்கட்டை வகைகள்: தேக்கு, மகோகனி, வேங்கை, பூவரசு, குமிழ், வாகை, சிசு (Sisoo).
• தொழில்முறை மர வகைகள்: பெருமரம் (Alianthus), அகலிலை மரம் (Acrocarpus), சில்வர் ஓக், மலைவேம்பு (Melia), சவுக்கு (Casuarina).
• எண்ணெய் வித்து மரங்கள்: வேம்பு, புங்கம், புன்னை, சீமருபா (Simarouba), இழுப்பை (Mahua).
• மரம் அல்லாத வன விளைபொருள் மரங்கள்: நாவல், பனை, புளி, கடுக்காய்.
  நடப்பு தகவல்கள்

  
  

  • குழந்தை பருவ உடல் பருமனில் இந்தியா உலகளவில் இரண்டாம் இடத்தில் உள்ளது. அதிக பி.எம்.ஐ (BMI) கொண்ட குழந்தைகளின் எண்ணிக்கையில் (41 மில்லியன் அதிக பி.எம்.ஐ; 14 மில்லியன் உடல் பருமன்) சீனாவுக்கு அடுத்தபடியாக இந்தியா இரண்டாவது இடத்தில் உள்ளது.
  • கருப்பை வாய் புற்றுநோய் தடுப்பூசி 
    • பின்னணி: வளரினம் சிறுமிகளுக்கு கருப்பை வாய் புற்றுநோய் தடுப்பூசி வழங்கும் திட்டம் தமிழகத்தில் 4 மாவட் டங்களில் நிறைவடைந்திருப்பதாக பொது சுகாதாரத் துறை தெரிவித்துள்ளது.
    • மொத்தம் 30,209 சிறுமிகளுக்கு தடுப்பூசி வழங்கப்பட்டுள்ளது.
    • அரசு மற்றும் அரசு உதவி பெறும் பள்ளிகளில் படிக்கும் மாணவிகளுக்கு 2 தவணைகளில் தடுப்பூசி கொடுக்கப்பட்டது.
    • கருப்பை வாய் புற்றுநோய் பெரும்பாலும் ஹியூமன் பாப்பிலோமா வைரஸ் (HPV) தொற்றால் ஏற்படுகிறது.
    • தமிழகத்திலேயே தருமபுரி மற்றும் பெரம்பலூரில்தான் கருப்பை வாய் புற்றுநோய் அதிகமாகக் காணப்படுகிறது. 
    • அதாவது லட்சத்தில் 36 பெண்களுக்கு அத்தகைய பாதிப்பு அந்த மாவட்டங்களில் ஏற்படு கிறது. 
    • அதற்கு அடுத்தபடியாக அந்த விகிதம் அரியலூரில் 29.9 ஆக உள்ளது. சென்னையைப் பொருத்தவரை 13-ஆகவும் தமிழகத்தின் மொத்த கருப்பை வாய் புற்று நோய் பாதிப்பு விகிதம் லட்சத்துக்கு 14-ஆகவும் உள்ளதாக புள்ளிவிவரங்கள் தெரிவிக்கின்றன.

    கருப்பை வாய் புற்றுநோய் தடுப்பூசி

    • தமிழகத்தில் ஜனவரி 27, 2026,அன்று  9–14 வயது சிறுமிகளுக்கு HPV தடுப்பூசி வழங்கும் திட்டம் தொடங்கப்பட்டது.
    • இந்தியாவிலேயே முதல் முறையாக தமிழகத்தில் திருவண்ணாமலை, அரியலூர், பெரம்பலூர் மற்றும் தருமபுரியில் கருப்பை வாய்புற்று நோய் கடுப்பூசி இலவசமாக வளரிளம் பெண் குழந்தைகளுக்கு செலுத்தப்பட்டுள்ளது.

    தமிழ்நாடு ஒருங்கிணைந்த குடிநீர் குறைதீர்வு மையம்

    • பின்னணி : தமிழகம் முழுவதும் குடிநீர் விநியோகம் தொடர்பான புகார்களின் மீது நடவடிக்கை எடுக்க தமிழ்நாடு ஒருங்கிணைந்த குடிநீர் குறைதீர்வு ‘புனல்’ மையத்தை முதல்வர் தொடங்கி வைத்தார்.
    • தமிழகம் முழுவதும் குடிநீர் விநியோகத்தைச் சார்ந்த அனைத்து புகார்களையும் ஒரே இடத்தில் பெறும் வகையில் இந்த மையம் அமைக்கப்பட்டுள்ளது.
    • இந்த மையம் தமிழ்நாடு குடிநீர் வழங்கல் மற்றும் வடிகால் வாரியம் மூலம் நிறுவப்பட்டுள்ளது.
    • பொதுமக்கள் 1916 என்ற கட்டணமில்லா தொலைபேசி எண், புனல் இணையதளம், மூலம் தங்களது புகார்களை தெரிவிக்கலாம்.

    நடப்பு தகவல்கள்

    • பகுதி VI, சரத்து 170 – சட்டப்பேரவைகளின் அமைப்பு.
      சுற்றுசூழல்

      ஒருங்கிணைந்த பாறுகழுகு கணக்கெடுப்பு (Synchronised Vulture Census) 

      • சூழல்: நீலகிரி உயிர்நிலை காப்பகத்தில் (Nilgiri Biosphere Reserve) உள்ள பாறுகழுகுகளின் எண்ணிக்கையை மதிப்பீடு செய்வதற்காக தமிழ்நாடு, கேரளா மற்றும் கர்நாடகா ஆகிய மாநிலங்களின் வனப்பகுதிகளில் “ஒருங்கிணைந்த பாறுகழுகு கணக்கெடுப்பு” நடத்தப்பட உள்ளது.
      • இந்தியாவில் ஒன்பது வகையான பாறுகழுகு இனங்கள் உள்ளன. அவற்றில் ஏழு இனங்கள் தமிழ்நாட்டில் பதிவு செய்யப்பட்டுள்ளன. குறிப்பாக, வெண்முதுகுப் பிணந்தின்னிக் கழுகு (White-rumped), நீண்ட அலகுப் பிணந்தின்னிக் கழுகு (Long-billed) மற்றும் செந்தலைப் பிணந்தின்னிக் கழுகு (Red-headed) போன்றவை தமிழ்நாட்டில் இனப்பெருக்கம் செய்யும் நிலையான மக்கள் தொகையைக் கொண்டுள்ளன.
      • இது மாநிலங்களுக்கு இடையே நடத்தப்படும் நான்காவது ஒருங்கிணைந்த கணக்கெடுப்பாகும். இக்கணக்கெடுப்பு, உயரமான இடங்களிலிருந்து கழுகுகளை எண்ணும் முறை (Vantage point counts) மற்றும் அவற்றின் கூடுகளைக் கண்காணிக்கும் முறை ஆகியவற்றின் மூலம் மேற்கொள்ளப்படும்.

      விருதுகள் 

      கலைச் செம்மல் விருது

      • பின்னணி: தமிழ்நாடு அரசின் கலை பண்பாட்டுத் துறை சார்பில் ஒவ்வொரு ஆண்டும் கலைச் செம்மல் விருது  வழங்கப்படுகிறது.
      • இந்த விருது மரபுவழி மற்றும் நவீன பாணி ஓவியம், சிற்பக்கலை துறைகளில் சிறந்த கலைஞர்களுக்கு வழங்கப்படுகிறது.
      • விருதில் ரூ.1 லட்சம் பரிசுத் தொகை, செப்புப் பட்டயம், பாராட்டு சான்றிதழ் வழங்கப்படும்.
      • ஆண்டுதோறும் 6 சிறந்த கலைஞர்கள்  இந்த விருதுக்கு தேர்வு செய்யப்படுகின்றனர்.

      2025–2026 ஆண்டுக்கான விருது பெற்றவர்கள்:

      • மரபுவழி ஓவியம் – மா. பாலசுப்ரமணியன்
      • மரபுவழி சிற்பம் –  தே. ஸ்ரீகண்ட ஸ்தபதி, து. பத்மநாபன்
      • நவீன பாணி ஓவியம் –  கோ. வில்வநாதன், மு. ராஜா
      • நவீன பாணி சிற்பம் – ச. சாந்தி
        நடப்பு தகவல்கள்

        
        

        • தென்பெண்ணையாறு கர்நாடகாவின் நந்திதுர்க்கா மலைகளில் உற்பத்தியாகி, ஓசூர், கிருஷ்ணகிரி, திருவண்ணாமலை, விழுப்புரம் மற்றும் கடலூர் மாவட்டங்கள் வழியாக 391 கி.மீ தூரம் பாய்ந்து வங்காள விரிகுடாவில் கலக்கிறது.