இந்தியப் பொருளாதாரம்

நிலையான நீர் மேலாண்மைக்கான நீர் வரவு-செலவுத் திட்டம்

இந்தியாவில் நீரின் இருப்பு நிலை

• இந்தியா சராசரியாக ஆண்டுக்கு சுமார் 3,880 பில்லியன் கன மீட்டர்கள் (BCM) மழைப்பொழிவைப் பெறுகிறது.
• ஆவியாதல் மற்றும் பிற இழப்புகளைக் கணக்கில் கொண்ட பிறகு, சராசரி ஆண்டு நீர் இருப்பு 1,999.20 BCM என மதிப்பிடப்பட்டுள்ளது.
• பெருகிவரும் மக்கள் தொகையானது தனிநபர் நீர் இருப்பைக் குறைத்து வருவதோடு, நீர் வளங்கள் மீதான அழுத்தத்தையும் அதிகரித்து வருகிறது.
• உலக மக்கள் தொகையில் 17.5 சதவீதத்தையும், உலகளாவிய கால்நடைச் செல்வத்தில் 11.6 சதவீதத்தையும் இந்தியா கொண்டுள்ளது; இது நீருக்கான தேவையை மிக அதிக அளவில் உருவாக்குகிறது.

பெருகிவரும் நீர் நெருக்கடி

• கிராமப்புறங்களில் உள்ள நீரின் அளவில் 80 முதல் 90 சதவீதம் விவசாயத்திற்கே பயன்படுத்தப்படுகிறது.
• நிலத்தடி நீர் மட்டம் குறைதல், பருவ கால நீர் பற்றாக்குறை மற்றும் நீர் தொடர்பான மோதல்கள் ஆகியவை அதிகரித்து வருகின்றன.
• நீர் மேலாண்மை அணுகுமுறையை, ‘நீர் விநியோகத்தை மையமாகக் கொண்டதிலிருந்து’ , ‘நீருக்கான தேவையை அடிப்படையாகக் கொண்டதாக’  மாற்றியமைக்க வேண்டிய அவசியம் உள்ளது.

நீர் வரவு செலவுத் திட்டம் பற்றி

• நீர் வரவு செலவுத் திட்டம் என்பது ஒரு கிராமம், நீர்ப்பிடிப்புப் பகுதி, வட்டாரம் அல்லது மாவட்டத்திற்குள் உள்ள நீரின் இருப்பு மற்றும் தேவையை முறையாக மதிப்பிடுவதாகும்.
• இது ஒப்பிடுகிறது:
  • உள்ளீடுகள்: மழைப்பொழிவு, மேற்பரப்பு நீர்வரத்து, நிலத்தடி நீர் செறிவூட்டல்.
  • வெளியீடுகள்: ஆவியாதல், நீர் வழிந்தோடல், நிலத்தடி நீர் வெளியேற்றம்.
• நீர் உபரி மற்றும் பற்றாக்குறை உள்ள பகுதிகளைக் கண்டறிய உதவுகிறது.
• ஆதார அடிப்படையிலான நீர் ஒதுக்கீடு மற்றும் திட்டமிடலை ஆதரிக்கிறது.

நீர் வரவு செலவுத் திட்டத்தின் முக்கியத்துவம்

• கிடைக்கக்கூடிய நீர் வளங்களை நீடித்த முறையில் பயன்படுத்த உதவுகிறது.
• இதற்கு உதவுகிறது: பயிர் திட்டமிடல், நிலத்தடி நீர் மேலாண்மை, வறட்சித் தயார்நிலை, வெள்ள மேலாண்மை.
• விவசாயம், வீட்டு உபயோகம், கால்நடை வளர்ப்பு மற்றும் தொழில்துறைகளுக்கு இடையே திறமையான நீர் ஒதுக்கீட்டை ஊக்குவிக்கிறது.

வேளாண்மை மற்றும் நீர் வரவு செலவுத் திட்டம்

• 2050-ஆம் ஆண்டில் நீர்ப்பாசனத் தேவை 807 BCM-ஐ எட்டக்கூடும்.

• ஆதரிக்கிறது:
  • நீர் சிக்கனப் பயிர்த் தேர்வு.
  • உகந்த நீர்ப்பாசன அட்டவணை.
  • பருவநிலை மாற்றத்தைத் தாங்கும் வேளாண்மை.
• நபார்டு ஆதரவு முயற்சிகள், நீரைச் சார்ந்த பயிர் சாகுபடி முறைகள் மூலம் மேம்பட்ட உற்பத்தித்திறனைக் காட்டுகின்றன.

கால்நடை மற்றும் நீர்த் தேவை

• கால்நடைகளின் எண்ணிக்கை 51.2 கோடியிலிருந்து (2012) 53.6 கோடியாக (2019) அதிகரித்துள்ளது.
• பசுக்களின் எண்ணிக்கை 18% அதிகரித்துள்ளது.
• நீர் வரவு செலவுத் திட்டத்தில் பின்வருவனவற்றுக்கான நீர்த் தேவைகள் அடங்கும்: குடிநீர், தீவன உற்பத்தி, அது சார்ந்த செயல்பாடுகள்.
• துறைகளுக்கு இடையே சமச்சீரான ஒதுக்கீட்டை உறுதி செய்கிறது.

அரசு முன்னெடுப்புகள்

அடல் புஜல் யோஜனா (ABY)

• 2019-ல் தொடங்கப்பட்டது.

• 7 மாநிலங்களில் உள்ள 229 நிலத்தடி நீர் பற்றாக்குறை உள்ள வட்டாரங்களில் செயல்படுத்தப்பட்டது.
• கிராம பஞ்சாயத்து அளவில் பரவலாக்கப்பட்ட நிலத்தடி நீர் மேலாண்மையில் கவனம் செலுத்துகிறது.

தேசிய நீர் இயக்கம் (NWM)

• ஒருங்கிணைந்த நீர் வள மேலாண்மையின் (IWRM) ஒரு முக்கிய அங்கமாக நீர் வரவு செலவுத் திட்டத்தை அங்கீகரிக்கிறது.

• நீர் சேமிப்பு மற்றும் நீண்டகால நீர் பாதுகாப்பை ஊக்குவிக்கிறது.
• ‘நாரி சக்தி சே ஜல் சக்தி’ திட்டத்தின் மூலம், நீர் நிர்வாகத்தில் பெண்களின் பங்களிப்பை ஊக்குவிக்கிறது.

வெற்றிகரமான சமூக மாதிரிகள்

ஹிவாரே பஜார் மாதிரி (மகாராஷ்டிரா)

முக்கிய நடவடிக்கைகள்

• மழைநீர் சேகரிப்பு.
• நீர்ப்பிடிப்புப் பகுதி மேம்பாடு.
• நிலத்தடி நீர் செறிவூட்டல்.
• ஆண்டுதோறும் கிராம சபை அடிப்படையிலான நீர் வரவு செலவுத் திட்டம்.
• ஆழ்துளைக் கிணறுகளுக்குக் கட்டுப்பாடுகள்.

விளைவுகள்

• குறைந்த மழைப்பொழிவு இருந்தபோதிலும் நீர் பாதுகாப்பு அடையப்பட்டது.
• மகாராஷ்டிராவின் வறட்சித் தடுப்பு உத்திக்கு ஒரு முன்மாதிரியாக ஆனது.

ராஜஸ்தானின் முதலமைச்சர் ஜல் ஸ்வாவ்லம்பன் அபியான் (MJSA)

• 2016-ல் தொடங்கப்பட்டது

• நான்கு நீர்நிலைகள் கருத்துரு: மழைநீர், நிலத்தடி நீர், பூமிக்கடியில் உள்ள நீர், மண் ஈரப்பதம்

விளைவுகள்

• நிலத்தடி நீர் மட்டம் சுமார் 4% அதிகரித்தது.
• மண் வளம் மற்றும் பயிர் விளைச்சல் மேம்பட்டது.

நீர் மேலாண்மைக்கான தொழில்நுட்பம்

வருணி வலைச் செயலி

• இந்திய-கிராமப்புறங்களில் நீர் பாதுகாப்பு மற்றும் காலநிலை தழுவல் (WASCA) என்ற இந்தோ-ஜெர்மன் திட்டம்.

• ஒத்துழைக்கும் நிறுவனங்கள்: ஜல் சக்தி அமைச்சகம், ஊரக வளர்ச்சி அமைச்சகம், நிதி ஆயோக்

சிறப்பம்சங்கள்

• வட்டார அளவிலான நீர் வரவு செலவுத் திட்டங்களை உருவாக்குகிறது.

• மழைப்பொழிவு, நிலப் பயன்பாடு, பயிர் சாகுபடி முறைகள், மக்கள்தொகை, நீர் வளங்கள் குறித்த தரவுகளைப் பயன்படுத்துகிறது.
• நீர் உபரிப் பகுதிகள், நீர் பற்றாக்குறைப் பகுதிகள் ஆகியவற்றைத் தானாகவே கண்டறிகிறது.
• உள்ளூர் திட்டமிடல் மற்றும் தலையீட்டு உத்திகளுக்கு ஆதரவளிக்கிறது.

ஜல்யுக்த் ஷிவார் அபியான் 

• 2014-ல் மகாராஷ்டிர அரசால் தொடங்கப்பட்டது.

சிறப்பம்சங்கள்

• புவிக்குறியிடல் மற்றும் அலைபேசி அடிப்படையிலான கண்காணிப்பு.
• நீர் பாதுகாப்பு மற்றும் நிலத்தடி நீர் செறிவூட்டலில் கவனம்.
• கிராம அளவிலான நீர் வரவு செலவுத் திட்டம்.

நீர் வரவு-செலவுத் திட்டமிடலின் முக்கியத்துவம்

• நீர் தேவை சார்ந்த மேலாண்மையை ஊக்குவிக்கிறது.
• காலநிலைத் தாங்குதிறனை ஆதரிக்கிறது.
• நிலத்தடி நீரின் நிலைத்தன்மையை மேம்படுத்துகிறது.
• சமூகப் பங்கேற்பை ஊக்குவிக்கிறது.
• வேளாண் உற்பத்தித்திறனை அதிகரிக்கிறது.
• கிராமப்புற வாழ்வாதாரங்களை வலுப்படுத்துகிறது.
• சான்றுகள் சார்ந்த கொள்கை உருவாக்கத்தை சாத்தியமாக்குகிறது.