பொருளாதாரம்

அறிக்கைகள் மற்றும் குறியீடுகள்

புதிய பொருளாதாரக் கொள்கை & அரசுத் துறை

• மொத்த உள்நாட்டு உற்பத்தி அடிப்படை ஆண்டு 2022-23க்கு திருத்தம்
• புள்ளியியல் மற்றும் திட்ட செயல்பாட்டு அமைச்சகம் (MoSPI) மொத்த உள்நாட்டு உற்பத்தி (GDP) அடிப்படை ஆண்டை 2011-12லிருந்து 2022-23க்கு திருத்துவதாக அறிவித்தது. திருத்தப்பட்ட தரவு 2026 பிப்ரவரி 27ஆம் தேதி வெளியிடப்படும்.
• தொழில்துறை உற்பத்தி குறியீட்டின் (IIP) அடிப்படை ஆண்டும் 2022-23க்கு திருத்தப்படும், அதே நேரத்தில் நுகர்வோர் விலைக் குறியீட்டின் அடிப்படை ஆண்டு 2023-24க்கு திருத்தப்படும்.
• ஒரு நாட்டின் வருடாந்திர பொருளாதார வளர்ச்சி அல்லது அதன் ஒட்டுமொத்த பொருளாதார அளவை அளவிடும் முக்கிய அளவுகோல் GDP ஆகும். மேலும் “அடிப்படை ஆண்டு” இந்த கணக்கீடுகளுக்கான குறிப்பு புள்ளியாக செயல்படுகிறது.
• அடிப்படை ஆண்டு திருத்தம் புதிய தொழில்களை சேர்ப்பது, காலாவதியானவற்றை நீக்குவது, சிறந்த தரவு மூலங்கள் மற்றும் முறைகளை ஏற்றுக்கொள்வது, மற்றும் பணவீக்கத்திற்கு சரிசெய்த பிறகு உண்மையான பொருளாதார வளர்ச்சியை மிகவும் துல்லியமாக அளவிடுவதை உறுதி செய்கிறது.
• அடிப்படை ஆண்டு ஒரு சாதாரண ஆண்டாக இருக்க வேண்டும், அதாவது வறட்சி, வெள்ளம், நிலநடுக்கம், தொற்றுநோய் போன்ற அசாதாரண சம்பவங்களை நடந்திருக்ககூடாது. மேலும், இது கடந்த காலத்தில் மிகவும் பின்னோக்கி இருக்க கூடாது.
• தேசிய கணக்குகள் சமீபத்திய தரவுகளை பிரதிபலிக்கச் செய்ய அடிப்படை ஆண்டு ஒவ்வொரு 5 முதல் 10 ஆண்டுகளுக்கு ஒருமுறை புதுப்பிக்கப்பட வேண்டும்.
• 1967 ஆகஸ்ட்டில் 1948-49லிருந்து 1960-61க்கு தொடங்கி, சமீபத்தில் 2015 ஜனவரி 30ஆம் தேதி 2004-05லிருந்து 2011-12க்கு ஏழு முந்தைய திருத்தங்களைத் தொடர்ந்து வரவிருக்கும் 2026 திருத்தம் எட்டாவது அடிப்படை ஆண்டு புதுப்பிப்பாக இருக்கும்.
• இந்தியாவிற்கான முதல் தேசிய வருமான மதிப்பீடுகள் 1949 தேசிய வருமான குழுவால் (பி.சி. மகலானோபிஸ் தலைமையில்) தொகுக்கப்பட்டது.
• ஜூன் 2024இல், MoSPI பிஸ்வநாத் கோல்டரின் தலைமையில், GDP தரவுக்கான அடிப்படை ஆண்டை தீர்மானிக்க 26 உறுப்பினர்களைக் கொண்ட தேசிய கணக்கு புள்ளியியல் ஆலோசனைக் குழுவை (ACNAS) அமைத்தது.
• இது WPI, CPI மற்றும் IIP போன்ற பிற முக்கிய பெரிய குறிகாட்டிகளுடன் GDPஐ சீரமைப்பதிலும் கவனம் செலுத்தியது.

அறிக்கைகள் மற்றும் குறியீடுகள்

உலகளாவிய ஆற்றல் மாற்றக் குறியீடு

• உலகளாவிய ஆற்றல் மாற்றக் குறியீட்டில் இந்தியாவின் நிலை 2025இல் 71வது இடத்திற்கு மாறியுள்ளது.
• இந்த தரவரிசை உலக பொருளாதார மன்றத்தால் வெளியிடப்பட்டது, இது 118 நாடுகளின் ஆற்றல் மாற்ற செயல்திறனை மதிப்பிடுகிறது.
• கடந்த ஆண்டு 63வது இடத்திலிருந்து சரிவு இருந்தபோதிலும், சீனாவுடன் சேர்ந்து, ஆற்றல் அணுகல் மற்றும் மாற்ற தயார்நிலையில் முன்னேற்றங்களைக் காட்டியுள்ளது.

உலகளாவிய தரவரிசை மேலோட்டம்:

• ஸ்வீடன் ஆற்றல் மாற்றக் குறியீட்டில் முன்னணியில் உள்ளது, இதைத் தொடர்ந்து பின்லாந்து, டென்மார்க், நார்வே மற்றும் சுவிட்சர்லாந்து உள்ளன.
• மற்ற குறிப்பிடத்தக்க தரவரிசைகளில் சீனா 12வது இடத்திலும், அமெரிக்கா 17வது இடத்திலும் உள்ளன.
• பாகிஸ்தான் 101வது இடத்தில் உள்ளது, அதே நேரத்தில் காங்கோ கடைசி இடத்தில் உள்ளது.