தேசிய செய்திகள்

மன் கீ பாத்

• சூழல்: ஒவ்வொரு மாதமும் கடைசி ஞாயிற்றுக்கிழமையில் ‘மனதின் குரல்’ (மன் கீ பாத்) வானொலி நிகழ்ச்சி வாயிலாக நாட்டு மக்களிடம் பிரதமர் உரையாற்றி வருகிறார். 

• அதன்படி, ஞாயிற்றுக்கிழமை (ஜூன் 28) ஒலிபரப்பான 135-ஆவது மனதின் குரல் நிகழ்ச்சியில் பிரதமர் உரை வருமாறு:
• பிரதமரின் விபத்துக் காப்பீடு திட்டம் மற்றும் பிரதமரின் ஆயுள் காப்பீடுத் திட்டத்தின் சாதனைகளை எடுத்து உறைத்தார்.

பிரதமரின் விபத்துக் காப்பீடுத் திட்டம்

• பிரதமரின் விபத்துக் காப்பீட்டுத் திட்டம் என்பது, ஒரு வருட விபத்து காப்பீட்டுத் திட்டமாகும். விபத்தினால் ஏற்படும் மரணம் அல்லது உடல் ஊனத்திற்க்கு காப்பீடு பாதுகாப்பு  வழங்கும் திட்டத்தை வருடத்திற்கு ஒரு முறை புதுப்பித்துக் கொள்ளலாம்.
• 18 முதல் 70 வயது வரையில் உள்ள, தனி நபர் வங்கி கணக்கு அல்லது அஞ்சலக கணக்கு வைத்திருப்போர், இத்திட்டத்தில் சேர தகுதி உடையோர்.
• ஆண்டுதோறும் ரூ. 20 ஐ காப்பீட்டுக் கட்டணமாக செலுத்தினால், விபத்தால் இறப்போர் அல்லது உடல் ஊனம் ஏற்பட்டால் ரூ. 2 லட்சம் (சிறிதளவு ஊனத்திற்கு ரூபாய் 1 லட்சம்) வழங்கப்படும்.

சாதனைகள்

• • இது வரை இந்தத் திட்டத்தில் 58 கோடிக்கும் மேற்பட்டோர் இணைந்துள்ளனர்.

• இவர்களில் 28 கோடிக்கும் மேற்பட்டோர் பெண்களாவர். 

• இந்தத் திட்டத்தின் வாயிலாக பாதிக்கப்பட்ட குடும்பங்களுக்கு இதுவரை ரூ.3.700 கோடிக்கும் அதிகமான தொகை வழங்கப்பட்டுள்ளது.

 பிரதமரின் ஆயுள் காப்பீடுத் திட்டம் 

• பிரதமரின் ஆயுள் காப்பீடுத் திட்டம் என்பது ஒரு வருட ஆயுள் காப்பீட்டுத் திட்டமாகும். 

• இது ஆண்டுதோறும் புதுப்பிக்கத்தக்கது. எந்த காரணத்திற்காக மரணம் நிகழ்ந்தாலும் இறப்பிற்கு பின் இழப்பீடு வழங்குகிறது.
• 18-50 வயதுக்குட்பட்ட தனிநபர் வங்கி அல்லது தபால் அலுவலகக் கணக்கு வைத்திருக்கும் நபர்கள் இத்திட்டத்தின் கீழ் பதிவுசெய்ய முடியும். 
• 50 வயதைத் தொடும் முன் திட்டத்தில் சேரும் நபர்கள், வழக்கமான பிரீமியத்தைச் செலுத்தினால், 55 வயது வரையிலான ஆயுள் காப்பீட்டைத் தொடரலாம்.
• ஆண்டுக்கு ரூ 436/- பிரீமியம் செலுத்துவோருக்கு, ஏதேனும் காரணத்தால் மரணம் ஏற்பட்டால் ஆயுள் காப்பீடாக ரூ. 2 லட்சம் ரூபாய் வழங்கப்படும்.

சாதனைகள்

• இந்தத் திட்டத் தில் இதுவரை 27 கோடிக்கும் மேற்பட்டோர் இணைந்துள்ளனர். 
• இதுவரை சுமார் 11 லட்சம் குடும்பங்களுக்குக் கிட்டத்தட்ட ரூ.22,000 கோடி காப்பீட்டுத் தொகை கிடைத்துள்ளது.

 

ஊரக உள் தணிக்கை இணையதளம்

• சூழல்: ஜூலை 1 முதல் வேலைவாய்ப்பு மற்றும் ஆஜீவிகா திட்டத்திற்கான (கிராமின்) விக்சித் பாரத் உத்தரவாதம் செயல்படுத்தப்படுவதற்கு முன்னதாக, மத்திய ஊரக வளர்ச்சித் துறை அமைச்சர் “ஊரக உள் தணிக்கை இணையதளத்தை” தொடங்கி வைத்தார்.

ஊரக உள் தணிக்கை இணையதளத்தின் முக்கிய அம்சங்கள்

• முழுமையான டிஜிட்டல் தணிக்கை மேலாண்மை
• எடுக்கப்பட்ட நடவடிக்கை அறிக்கைகள் மற்றும் துணைத் தீர்வு
• மையப்படுத்தப்பட்ட தணிக்கைக் களஞ்சியம்
• பன்மொழி மற்றும் பயனர் நட்பு இடைமுகம்
• செயற்கை நுண்ணறிவு மற்றும் மேம்பட்ட பகுப்பாய்வு

ஊரக உள் தணிக்கை இணையதளத்தின் நோக்கங்கள்

• உள் தணிக்கை செயல்முறையை டிஜிட்டல் மயமாக்குதல்.
• தணிக்கை நடைமுறைகளை எளிமையாக்குதல்.
• செயல்திறன், வெளிப்படைத்தன்மை மற்றும் பொறுப்புடைமையை மேம்படுத்துதல்.
• ஒரு மையப்படுத்தப்பட்ட தணிக்கைக் களஞ்சியத்தை உருவாக்குதல்.
• இடர் அடிப்படையிலான தணிக்கைத் திட்டமிடலைச் செயல்படுத்துதல்.
• தொழில்நுட்பத்தைப் பயன்படுத்தி அமைப்பு ரீதியான பலவீனங்களைக் கண்டறிதல்.

நன்மைகள்

• கையேடு, காகித அடிப்படையிலான தணிக்கை செயல்முறைகளுக்கு மாற்றாக அமைகிறது.
• தணிக்கைகளை வேகமாகவும், வெளிப்படையாகவும், திறமையாகவும் ஆக்குகிறது.
• சிறந்த கண்காணிப்பு மற்றும் முடிவெடுப்பதற்கு உதவுகிறது.

 

முழியன் குளம்

• சூழல்: 400 ஆண்டுகளுக்கும் மேலான பழமையான வரலாற்றுச் சிறப்புமிக்க ‘முழியன் குளம்’ புதுப்பிக்கப்பட்டு, மத்திய நிதி மற்றும் பெருநிறுவன விவகாரங்கள் துறை அமைச்சரால் திறந்து வைக்கப்பட்டது.

முழியன் குளம் பற்றிய தகவல்கள்

• • அமைவிடம்: புதுச்சேரி, பூரணன்குப்பம் பகுதியில் உள்ள தவளக்குப்பம் அருகே அமைந்துள்ள இரண்டு ஏக்கர் பரப்பளவு கொண்ட நீர்நிலை.

• வரலாற்றுப் பின்னணி: பல்லவர் காலத்தைச் சேர்ந்தது.

முக்கியத்துவம்

• உள்ளூர் மக்களுக்குக் குடிநீர் மற்றும் பாசனத்திற்கான முக்கிய ஆதாரமாகப் பாரம்பரியமாகப் பயன்படுத்தப்பட்டு வருகிறது.
• நிலத்தடி நீரூற்றுகளால் நிரம்பும் நான்கு இயற்கையான கிணறுகளைக் கொண்டுள்ளது.
• புதுப்பிப்பு முறை: மழைநீர் சேகரிப்பு மற்றும் நிலத்தடி நீர் செறிவூட்டலை மையமாகக் கொண்ட தென்னிந்தியாவின் பழமையான நீர் மேலாண்மை நுட்பமான ‘நான்கு மொழி’ முறையின் அடிப்படையில் புதுப்பிக்கப்பட்டுள்ளது.
• அமைப்பு: மையக் குளம் ஒன்று, நிலத்தடி வாய்க்கால்கள் மூலம் நான்கு தனித்தனி கிணறுகளுடன் (மொழிகள்) இணைக்கப்பட்டு, ஒரு ஒருங்கிணைந்த நீர் அமைப்பை உருவாக்குகிறது.

 

பிரதமரின் குடும்ப நலக் கண்காணிப்பு அமைப்பு (PM-FCT)

• சூழல்: மத்திய உள்துறை அமைச்சர் பிரதமரின் குடும்ப நலக் கண்காணிப்பு அமைப்பு (PM-FCT) திட்டத்தின் முன்னோடி முயற்சியை இங்கு தொடங்கி வைத்தார். பெண்கள் மற்றும் குழந்தைகள் தொடர்பான மத்திய அரசின் நலத்திட்டங்களின் கீழ் எந்தவொரு பயனாளியும் விடுபடாமல் இருப்பதை இந்த ஒருங்கிணைந்த டிஜிட்டல் தளம் உறுதி செய்யும் என்று அவர் குறிப்பிட்டார்.
• தொடர் கண்காணிப்பு மற்றும் சரியான நேரத்தில் மேற்கொள்ளப்படும் நடவடிக்கைகள் மூலம், கர்ப்பிணிப் பெண்கள், தாய்மார்கள் மற்றும் குழந்தைகள் தங்களுக்குரிய அனைத்து அரசு சலுகைகளையும் பெறுவதை இந்த டிஜிட்டல் தளம் உறுதி செய்யும்.

முக்கிய அம்சங்கள்

• • காந்திநகர் மக்களவைத் தொகுதிக்காக உருவாக்கப்பட்ட ஒருங்கிணைந்த டிஜிட்டல் தளம்.
  • ICDS, RCH, போஷன் அபியான் மற்றும் பள்ளி சுகாதாரத் திட்டங்கள் ஆகியவற்றின் தரவுகளை இது ஒருங்கிணைக்கிறது.
  • பதிவுகளை இணைப்பதற்கு ‘பிறப்புப் பதிவு எண்’ தனித்துவமான அடையாள எண்ணாகப் பயன்படுத்தப்படுகிறது.
  • TeCHO+, போஷன் டிராக்கர் மற்றும் குழந்தைகள் கண்காணிப்பு அமைப்பு ஆகியவற்றின் தரவுத்தளங்களை இது ஒருங்கிணைக்கிறது.
  • கர்ப்பகாலம் முதல் 18 வயது வரை குழந்தைகளின் சுகாதாரம், ஊட்டச்சத்து மற்றும் கல்வி நிலையை இது கண்காணிக்கிறது.

• சுகாதாரம், ஊட்டச்சத்து, கல்வி மற்றும் சமூக நலன் சார்ந்த 16 நலத்திட்டங்களை இது உள்ளடக்கியுள்ளது.

செயல்முறை

• குழந்தை தடுப்பூசி செலுத்திக்கொள்ளத் தவறினால் எச்சரிக்கைகளை அனுப்புகிறது.
• பள்ளியிலிருந்து இடைநின்ற குழந்தைகளை அடையாளம் கண்டு, அதிகாரிகள் மூலம் தொடர் நடவடிக்கை எடுக்க வழிவகுக்கிறது.
• குறைந்த எடை, வளர்ச்சி குன்றிய நிலை அல்லது சிறப்புப் பராமரிப்பு தேவைப்படும் குழந்தைகளை அடையாளம் கண்டு ஆரம்பக்கட்ட உதவிகளை வழங்குகிறது.
• கர்ப்பகாலம் முதல் தாய்ப்பால் கொடுக்கும் காலம் வரை தாய்மார்களின் ஆரோக்கியத்தைக் கண்காணிக்கிறது.

உள்ளடக்கப்பட்ட திட்டங்கள்

• பிரதான் மந்திரி மாத்ரு வந்தனா யோஜனா 

• ஜனனி சுரக்ஷா யோஜனா 

• ஜனனி சிசு சுரக்ஷா காரியக்ரம் 

• பிஎம் போஷன்

• மிஷன் வத்சல்யா 

• ராஷ்ட்ரிய பால் ஸ்வஸ்திய காரியக்ரம்

• சுகன்யா சம்ரித்தி யோஜனா 

கண்காணிப்பு மற்றும் எச்சரிக்கைகள்

• தாய்மார்களின் ஆரோக்கியம், குழந்தைகளின் தடுப்பூசி, ஊட்டச்சத்துக் குறைபாடு, பள்ளியில் சேருதல், இடைநிற்றல் மற்றும் வளரிளம் பருவப் பெண்களின் ஆரோக்கியம் மற்றும் கல்வி ஆகியவற்றை இது கண்காணிக்கிறது.
• நடவடிக்கை முழுமையாக முடியும் வரை தாலுகா, மாவட்டம் மற்றும் மாநில அளவிலான அதிகாரிகளுக்குத் தகவல் தெரிவிக்க தானியங்கி எச்சரிக்கை அமைப்பைப் பயன்படுத்துகிறது.

ஜிஎஸ்டி – 10 ஆண்டுகள்: செயல்திறனை மேம்படுத்த AI பயன்பாடு

• சூழல்: 2026 ஜூலை 1 அன்று சரக்கு மற்றும் சேவை வரிஅறிமுகமாகி 10 ஆண்டுகள் நிறைவடைகின்றன. 

• இதையொட்டி, மத்திய அரசு செயற்கை நுண்ணறிவு மற்றும் தரவு ஒருங்கிணைப்பு மூலம் GST நிர்வாகத்தை மேலும் திறன் வாய்ந்ததாக மாற்ற நடவடிக்கை எடுத்து வருகிறது. 

GST அறிமுகம்

• 2017 ஜூலை 1 நள்ளிரவில் பழைய நாடாளுமன்ற மைய மண்டபத்தில் அப்போதைய குடியரசுத் தலைவர் பிரணாப் முகர்ஜி ஜிஎஸ்டி -யை தொடங்கி வைத்தார். 
• அப்போதைய பிரதமர், இந்த வரி முறை வர்த்தகர்கள் மற்றும் சிறு வணிகர்கள் எதிர்கொண்ட பல்வேறு மறைமுக வரிச் சிக்கல்களை குறைக்கும் எனக் குறிப்பிட்டார். 
• முன்னாள் நிதியமைச்சர்  மாநிலங்களின் ஒத்துழைப்பைப் பெற்று GST அமல்படுத்துவதில் முக்கிய பங்காற்றினார். 

வரி விகிதங்களில் மாற்றம்

• ஆரம்பத்தில் 5%, 12%, 18%, 28% என நான்கு வரி விகிதங்கள் இருந்தன. 
• பின்னர், 5% மற்றும் 18% என இரண்டு முக்கிய விகிதங்களாக எளிமைப்படுத்தப்பட்டது. 
• ஆடம்பரப் பொருட்களுக்கு மட்டும் 40% வரி விதிக்க முடிவு செய்யப்பட்டது. 

GST வளர்ச்சி (2017–2025)

• 2017–18-இல் மாதாந்திர சராசரி GST வசூல்: ₹89,700 கோடி. 
• 2025–26-இல் அது ₹1.85 லட்சம் கோடியாக உயர்ந்தது. 
• பதிவு செய்யப்பட்ட வரி செலுத்துவோர்: 
  • 2017: 66.5 லட்சம் 
  • 2025: சுமார் 1.6 கோடி 

GST செயல்திறனை மேம்படுத்தும் புதிய நடவடிக்கைகள்

• செயற்கை நுண்ணறிவு (AI) மூலம்: 
  • வரி ஏய்ப்புகளை கண்டறிதல். 
  • அபாய மதிப்பீட்டை மேம்படுத்துதல். 
• GST, வருமான வரி மற்றும் சுங்கத் துறை தரவுகளை ஒருங்கிணைத்து தகவல் பகிர்வை வலுப்படுத்துதல். 
• திருப்பியளிக்கும் (ரீஃபண்ட்) வழங்கும் செயல்முறையை வேகப்படுத்துதல். 
• குறு, சிறு மற்றும் நடுத்தர நிறுவனங்கள் வரி விதிமுறைகளை எளிதாக பின்பற்ற தொழில்நுட்ப வசதிகளை விரிவுபடுத்துதல். 

முக்கியத்துவம்

• வரி நிர்வாகத்தில் வெளிப்படைத்தன்மை, வேகம் மற்றும் செயல்திறன் அதிகரிக்கும். 
• வரி ஏய்ப்பு மற்றும் போலி பில் மோசடிகளை கட்டுப்படுத்த உதவும். 
• வணிகங்களுக்கு எளிய இணக்க நடைமுறைகள் கிடைக்கும். 
• அரசின் வருவாய் அதிகரிப்பதுடன், டிஜிட்டல் வரி நிர்வாகம் மேலும் வலுப்பெறும்.

 

பாக்ஸ் சிலிக்கா உச்சிமாநாடு 

• சூழல்: பாக்ஸ் சிலிக்கா -இன் இரண்டாவது உச்சிமாநாடு வாஷிங்டன் நகரில் நடைபெற்றது. 

• இதில், இந்தியா உட்பட 35 நாடுகள், செயற்கை நுண்ணறிவு (AI) மற்றும் முக்கிய தொழில்நுட்பங்களுக்கான பாதுகாப்பான மற்றும் நம்பகமான உலகளாவிய விநியோகச் சங்கிலிகளை உருவாக்கும் அமெரிக்கா தலைமையிலான முயற்சியில் இணைந்து கையெழுத்திட்டன. 

பாக்ஸ் சிலிக்கா பற்றி

• பாக்ஸ் சிலிக்கா என்பது அமெரிக்கா 2025 டிசம்பரில் அறிமுகப்படுத்திய பன்னாட்டு தொழில்நுட்ப கூட்டாண்மை முயற்சி. 
• இதன் நோக்கம்: 
  • குறைக்கடத்திகள் 
  • செயற்கை நுண்ணறிவு 
  • அரிய புவித் தனிமங்கள் ஆகியவற்றின் உலகளாவிய விநியோகச் சங்கிலிகளை பாதுகாப்பாகவும் வலுவாகவும் உருவாக்குவது. 

‘பாக்ஸ் சிலிக்கா என்ற பெயரின் பொருள்

• “Pax” – அமைதி, நிலைத்தன்மை மற்றும் ஒத்துழைப்பைக் குறிக்கிறது. 
• “Silica” – குறைக்கடத்தி உற்பத்தியில் பயன்படும் சிலிக்கான் மூலப்பொருளைக் குறிக்கிறது. 
• இப்பெயர் பாதுகாப்பான, நிலையான மற்றும் கூட்டுறவு அடிப்படையிலான உலக தொழில்நுட்ப அமைப்பை குறிக்கிறது. 

பாக்ஸ் சிலிக்கா பிரகடனத்தின் முக்கிய நோக்கங்கள்

• முக்கிய தொழில்நுட்பங்கள் மற்றும் மூலப்பொருட்களுக்கு ஒரே ஒரு நாட்டை அதிகமாக சார்ந்திருப்பதை குறைத்தல். 
• குறைக்கடத்திகள், AI மற்றும் பிற முக்கிய தொழில்நுட்பங்களுக்கான பாதுகாப்பான, நம்பகமான மற்றும் மீள்திறன் கொண்ட விநியோகச் சங்கிலிகளை உருவாக்குதல். 
• கூட்டாளர் நாடுகளின் ஒத்துழைப்புடன் பாதுகாப்பான மற்றும் நம்பகமான டிஜிட்டல் உள்கட்டமைப்பை உருவாக்குதல். 

முக்கியத்துவம்

• அத்தியாவசிய தொழில்நுட்பங்கள் மற்றும் முக்கிய கனிமங்களுக்கு ஒரே நாட்டை அதிகமாக சார்ந்திருப்பதால் ஏற்படும் பொருளாதார மற்றும் புவிசார் அரசியல் அபாயங்களை குறைக்க உதவுகிறது. 
• விநியோக ஆதாரங்களைப் பன்முகப்படுத்தி, தொழில்நுட்பத் துறையில் மீள்திறன் மற்றும் சர்வதேச ஒத்துழைப்பை வலுப்படுத்துகிறது. 
• உலகளாவிய AI மற்றும் உயர் தொழில்நுட்பத் துறைகளுக்கான பாதுகாப்பான வழங்கல் அமைப்பை உருவாக்குவதற்கு முக்கிய பங்களிப்பை வழங்குகிறது.