புவியியல் நிலப்பகுதிகள் கிருஷ்ணா நதி சூழல்: கர்நாடகா மற்றும் மகாராஷ்டிராவின் மேற்குத் தொடர்ச்சி மலைப்பகுதிகளில் ஒரு வாரமாக நிலவும் வறண்ட வானிலை காரணமாக, கிருஷ்ணா நதி மற்றும் அதன் துணை ஆறுகளில் நீர்வரத்து வெகுவாகக் குறைந்துள்ளது. கிருஷ்ணா நதி பற்றி கிருஷ்ணவேணி என்றும் அழைக்கப்படும் கிருஷ்ணா நதி, தென்-மத்திய இந்தியாவின் முக்கிய ஆறுகளில் ஒன்றாகும். கங்கை, கோதாவரி மற்றும் பிரம்மபுத்திரா ஆறுகளுக்கு அடுத்தபடியாக, நீர் ஓட்டம் மற்றும் வடிநிலப் பரப்பளவின் அடிப்படையில் இந்தியாவின் நான்காவது பெரிய நதியாக இது விளங்குகிறது. இந்நதியின் மொத்த நீளம் சுமார் 1,400 கி.மீ ஆகும். தோற்றம் மற்றும் வழித்தடம் கிருஷ்ணா நதி, அரபிக்கடலுக்கு அருகில் உள்ள மகாராஷ்டிராவின் மேற்குத் தொடர்ச்சி மலைப்பகுதிகளில் உள்ள மகாபலேஷ்வருக்கு அருகே உற்பத்தியாகிறது. இது பின்வரும் மாநிலங்களின் வழியாகப் பாய்கிறது: மகாராஷ்டிரா, கர்நாடகா,தெலுங்கானா, ஆந்திரப் பிரதேசம் இறுதியில், இது ஆந்திரப் பிரதேசத்தின் ஹம்சலாதேவி என்னுமிடத்தில் வங்காள விரிகுடாவில் கலக்கிறது. ஆற்று வடிநிலம் கிருஷ்ணா நதி வடிநிலம் சுமார் 258,948 சதுர கிலோமீட்டர் பரப்பளவைக் கொண்டுள்ளது. இது இந்தியாவின் மொத்த புவியியல் பரப்பளவில் சுமார் 8% ஆகும். இவ்வடிநிலம் பின்வருவனவற்றால் சூழப்பட்டுள்ளது: வடக்கே பாலாகாட் மலைத்தொடர் மேற்கே மேற்குத் தொடர்ச்சி மலைகள் தெற்கு மற்றும் கிழக்கே கிழக்குத் தொடர்ச்சி மலைகள் முக்கிய துணை ஆறுகள் பீமா, துங்கபத்ரா, கட்டபிரபா, மலபிரபா, மூசி முக்கிய நீர்வீழ்ச்சிகள் கோகாக் நீர்வீழ்ச்சி, கல்ஹதி நீர்வீழ்ச்சி, தீர்த்தம் நீர்வீழ்ச்சி,மாணிக்க்யதாரா நீர்வீழ்ச்சி, ஹம்பி நீர்வீழ்ச்சி (துங்கபத்ரா நதியால் உருவாக்கப்பட்டது), மாகோட் நீர்வீழ்ச்சி (உத்தர கன்னட மாவட்டத்தின் எல்லாப்பூர் வட்டத்தில் அமைந்துள்ளது) . முக்கிய அணைகள் லால் பகதூர் சாஸ்திரி (அல்மட்டி) அணை நாகார்ஜுன சாகர் அணை ஸ்ரீசைலம் அணை தோம் அணை நாராயண்பூர் அணை ஜுராலா அணை வரலாற்று முக்கியத்துவம் பல்வேறு பண்டைய இந்திய அரசுகளின் வளர்ச்சி மற்றும் முன்னேற்றத்தில் கிருஷ்ணா நதி முக்கிய பங்காற்றியுள்ளது. இது சாதவாகன வம்சம் மற்றும் விஜயநகரப் பேரரசுக்கு ஒரு வாழ்வாதாரமாகத் திகழ்ந்து, விவசாயம், வர்த்தகம் மற்றும் குடியேற்றங்களுக்கு ஆதரவளித்தது.
