விருதுகள் வரலாறு படைத்த ’நாட்டு நாட்டு’ பாடல் : தமிழ் ஆவணக் குறும்படம் புகழ்பெற்ற இயக்குநர் எஸ்.எஸ்.ராஜமௌலியின் இயக்கத்தில் உருவான ’ஆர்ஆர்ஆர்’ படத்தில் இடம்பெற்ற ’நாட்டு நாட்டு’ பாடலானது, சிறந்த பாடலுக்கான ஆஸ்கர் விருதை வென்று வரலாறு படைத்துள்ளது. தமிழகத்தின் முதுமலை வனப்பகுதியில் தமிழில் எடுக்கப்பட்ட ’தி எலிஃபன்ட் விஸ்பெரர்ஸ்’ சிறந்த ஆவணக் குறும்படத்துக்கான ஆஸ்கர் விருதை வென்றுள்ளது. சிறந்த பாடலுக்கான பிரிவில் ஆஸ்கர் விருதைப் பெறும் முதல் இந்திய இசையமைப்பாளர் என்ற பெருமையை எம்.எம்.கீரவாணி பெற்றுள்ளார். ’நாட்டு நாட்டு’பாடல் அண்மையில் கோல்டன் குளோப் விருதையும் வென்றிருந்தது குறிப்பிடத்தக்கது. சிறந்த ஆவணக் குறும்படம்: இந்தியாவுக்கு மற்றொரு பெருமையாக ’தி எலிஃபன்ட் விஸ்பெரர்ஸ்’ ஆவணக் குறும்படமும் ஆஸ்கர் விருதை வென்றுள்ளது. முதுமலை வனப் பகுதியில் இரு யானைகளுக்கும் அவற்றைப் பாதுகாத்து வரும் பொம்மன்-பெள்ளி தம்பதிக்கும் இடையேயான பாசப் பிணைப்பை விளக்கும் வகையில் ’தி எலிஃபன்ட் விஸ்பெரர்ஸ்’ என்ற 40 நிமிஷ குறும்படம் தமிழில் தயாரிக்கப்பட்டது. விருதுகள் முதல் ஆசிய பெண் சிறந்த நடிகைக்கான ஆஸ்கர் விருதை வென்றுள்ள மிச்செல் யோ, மலேசியாவில் பிறந்த சீனப் பெண். சிறந்த நடிகை விருதை வென்ற முதல் ஆசிய பெண் என்ற பெருமையை அவர் பெற்றுள்ளார். சிறந்த நடிகர்: பிரெண்டன் ஃபிரசர் ( தி வேல்). சிறந்த ஒளிப்பதிவு: ஜேம்ஸ் பிரண்ட் (ஆல் குயட் ஆன் தி வெஸ்டெர்ன் ஃபிரண்ட்) சிறந்த பின்னணி இசை: வோல்கர் பெர்டெல்மான் (ஆல் குயட் ஆன் தி வெஸ்டெர்ன் ஃபிரண்ட் ) சிறந்த தழுவல் திரைக்கதை: விமன் டாக்கிங் சிறந்த தயாரிப்பு வடிவமைப்பு: ஆல் குயட் ஆன் தி வெஸ்டர்ன் ஃபிரண்ட் ஒலிப்பதிவு: டாப் கன்: மேவ்ரிக் ஆடை வடிவமைப்பாளர்: - ரூத் கார்ட்டர் (பிளாக் பந்தர் : வக்காண்டா ஃபார் எவர்) சர்வதேச திரைப்படம்: ஆல் குயட் ஆன் தி வெஸ்டர்ன் ஃபிரண்ட் (ஜெர்மன்) அனிமேஷன் திரைப்படம்: தி பாய், தி மோல், தி ஃபாக்ஸ் அண்ட் தி ஹார்ஸ் ஒப்பனை மற்றும் சிகை அலங்காரம்: அட்ரியன் மொரோட், ஜீடி ஜின், அன்னெமரி பிராட்லி ( தி வேல்) விஷீவல் எபெக்ட்ஸ்: ஜோ லெட்டரி, ரிச்சர்ட் பனேஹம், எரிக் சைண்டன், டேனியல் பாரெட் (அவதார்: தி வே ஆப் வாட்டர்)
