முக்கிய நாட்கள்
ஜுன் 2 – தெலுங்கானா உருவான நாள்
- தெலுங்கானா மாநிலம் அதிகாரப்பூர்வமாக 2 ஜுன் 2014 அன்று உருவாக்கப்பட்டது.
பின்னணி
- இந்தியாவின் சுதந்திரத்திற்குப் பிறகு ஹைதராபாத் நிஜாமை இந்திய யூனியனில் சேருமாறு அரசாங்கம் கோரியதற்கு அவர் மறுத்துவிட்டார்.
- 1948-ல் இந்திய ராணுவம் ஹைதராபாத்தை இந்திய யூனியனுடன் இணைத்தது.
- 1953-ல், மாநில மறுசீரமைப்பு ஆணையம் நியமிக்கப்பட்டது.
- 1956 ஆம் ஆண்டில், மொழிவாரி மாநிலங்களின் மறுசீரமைப்பின் ஒரு பகுதியாக ஹைதராபாத் மாநிலம் கலைக்கப்பட்டு, தெலுங்கானா தெலுங்கு பேசும் ஆந்திரா மாநிலத்துடன் இணைக்கப்பட்டு ஆந்திரப் பிரதேசம் உருவானது.
- 2 ஜுன் 2014 அன்று, தெலுங்கானா பகுதி ஆந்திரப் பிரதேசத்தின் வடமேற்குப் பகுதியிலிருந்து பிரிக்கப்பட்டு புதிதாக உருவாக்கப்பட்ட மாநிலமாக ஹைதராபாத்தை தலைநகராகக் கொண்டது.
பாதுகாப்பு
அக்னி-1 ஏவுகணை சோதனை வெற்றி
- நடுத்தர தொலைவு அக்னி-1 பாலிஸ்டிக் ஏவுகணை ஒடிஸாவின் ஏபிஜெ அப்துல் கலாம் தீவில் வெற்றிகரமாக பரிசோதிக்கப்பட்டது.
- அக்னி-1 பாலிஸ்டிக் ஏவுகணை “மிக உயர்ந்த நிலையிலிருந்து இலக்குகளைத் தாக்கும் திறன் கொண்டது என்பது நிரூபிக்கப்பட்டுள்ளது.
- அணு ஆயுதங்களைத் தாங்கி 5,000 கி.மீ. தொலைவுக்குச் செல்லும் திறன் கொண்ட அக்னி-5 பாலிஸ்டிக் ஏவுகணையை இந்தியா கடந்த 2022 டிசம்பர் மாதம் வெற்றிகரமாக சோதனை செய்தது.
- அக்னி 1 முதல் அக்னி 4 வரையிலான ஏவுகணைகள் 700 கி.மீ. முதல் 3,500 கி.மீ. தொலைவு வரை பாய்ந்து செல்லும் திறன் கொண்டவையாகும்.
பின்னணி
- ஒருங்கிணைந்த வழிகாட்டப்பட்ட ஏவுகணை மேம்பாட்டுத் திட்டம் (IGMDP) பாதுகாப்பு ஆராய்ச்சி மற்றும் மேம்பாட்டு நிறுவனத்தால் (DRDO) ஏவுகணைகளின் விரிவான ஆராய்ச்சி மற்றும் மேம்பாட்டிற்காக நிர்வகிக்கப்படுகிறது.
- அப்துல் கலாம் தலைமையில் 1982-83 இல் திட்டம் தொடங்கப்பட்ட இந்த ஏவுகணைகள் திட்டம் வெற்றிகரமாக 2008 இல் முடிந்தது.
- இந்தியாவின் ஏவுகணை நாயகன் – டாக்டர் ஏபிஜே.அப்துல் கலாம்
குறிப்பு
- இந்தியாவின் ஏவுகணை பெண் – டெஸ்ஸி தாமஸ்
- (DRDO வில் அக்னி-IV ஏவுகணைக்கான முன்னாள் திட்ட இயக்குநர்)
விளையாட்டு
ஜுனியர் ஆடவர் ஆசியக் கோப்பை 2023.
- ஓமனின் சலாலாவில் நடைபெற்ற ஆடவர் ஜுனியர் ஆசியக் கோப்பை 2023 இறுதிப் போட்டியில் இந்திய ஹாக்கி அணி 2-1 என்ற கோல் கணக்கில் பாகிஸ்தானை வீழ்த்தியது.
- ஆடவருக்கான ஜுனியர் ஆசியக் கோப்பையில் இது இந்தியாவின் நான்காவது பட்டமாகும்.
- இதற்கு முன்பு 2004, 2008 மற்றும் 2015 ஆகிய ஆண்டுகளில் இந்தியா மூன்று முறை போட்டியை வென்றது.
- இந்திய ஆண்கள் ஹாக்கி அணியின் கேப்டன் – மன்பிரீத் சிங்
இந்தியா மற்றும் அண்டை நாடுகள்
இந்தியா-நோபாளம்
- நேபாள பிரதமர் புஷ்பகமல் தாஹால் என்ற பிரசண்டா அரசுமுறைப் பயணமாக இந்தியாவுக்கு வருகை எல்லை கடந்த பெட்ரோலிய குழாய் அமைப்பு விரிவாக்கம். ஒருங்கிணைந்த சோதனைச் சாவடிகள் உருவாக்கம், நீர்மின்சக்தி ஒத்துழைப்பு உள்ளிட்ட ஏழு ஒப்பந்தங்கள் இரு நாடுகளுக்கும் இடையே கையொப்பமாகின.
- அடுத்த 10 ஆண்டுகளில் நேபாளத்தில் இருந்து தில்லிக்கு பெறப்படும் மின்சாரத்தின் அளவு, 10 ஆயிரம் மெகாவாட்டாக அதிகரிக்கப்படும் என்றும் தெரிவிக்கப்பட்டுள்ளது. தற்போது இது 450 மெகாவாட்டாக உள்ளது.
- உத்தர பிரதேசத்தில் இந்திய-நேபாள எல்லையில் உள்ள ருபை திஹா பகுதியில் அமைக்கப்பட்டுள்ள மாநிலத்தின் முதல் நிலத்துறைமுகம் திறந்துவைக்கப்பட்டது.
- சரக்கு மற்றம் பயணிகள் வாகனங்களின் சமூக போக்குவரத்தை உறுதி செய்யும் நோக்கில் இந்திய நிலத் துறைமுக ஆணையத்தால் அமைக்கப்பட்டுள்ளது.
குறிப்பு
- தலைநகரம்-காத்மாண்டு
- நாணயம்-நேபாள ரூபாய்
நியமனங்கள்
உலக வானிலை அமைப்பின் துணைத் தலைவராக இந்திய இயக்குநர்
- உலக வானிலை ஆய்வு அமைப்பின் துணைத் தலைவர்களில் ஒருவராக இந்திய வானிலை ஆய்வுத் துறை (ஐஎம்டி) இயக்குநர் மிருத்யுஞ்சய் மொஹபத்ரா தேர்ந்தெடுக்கப்பட்டுள்ளார்.
- உலக பருவநிலை மாற்றம், பருவ நிலை முன்னெச்சரிக்கை மற்றும் பேரிடர் தயார் நிலைகளைக் கண்காணிப்பதற்காக ஜெனீவாவை தலைமையிடமாக கொண்டு செயல்பட்டு வரும் இந்த ஐ.நா. அமைப்பில் ஒரு தலைவர் மற்றும் 3 துணைத் தலைவர்கள் இடம்பெற்றிருப்பர்.
- இந்த அமைப்பின் முதல் பெண் பொதுச் செயலராக ஆர்ஜென்டினாவைச் சேர்ந்த பேராசிரியர் செலஸ்டி சௌலோ நியமிக்கப்பட்டுள்ளார்.
- ஐக்கிய அரபு அமீரக தேசிய வானிலை ஆய்வு மைய இயக்குநர் அப்துல்லா அல் மண் டௌஸ்தலைவராக தேர்ந்தெடுக்கப்பட்டார்.
