முக்கிய தினங்கள்
உலக சிறுநீரக நல தினம்
- ஆண்டுதோறும் மார்ச் 13 ம் தேதி கடைப் பிடிக்கப்படுகிறது.
- 2025 ஆம் ஆண்டுக்கான கருப்பொருள் “உங்களது சிறுநீரகங்கள் நலமா?”
- பருவநிலை மாறுதல், அதீத வெப்பநிலை, காற்று மாசுபாடு மற்றும் வேறு பல காரணங்களால் ஆரோக்கியமான நபர்களுக்கும் சிறுநீரக பாதிப்பு ஏற்பட முடியும்.
- பெரும்பாலும், சிறுநீரக செயலிழப்பு இறுதியில் கண்டறியப்படுகிறது, அதன் மூலம் டயாலிசிஸ் சிகிச்சை அல்லது உறுப்பு மாற்று சிகிச்சைகள் தேவைப்படுகிறது.
- தமிழகத்தில் 18% பேர் சர்க்கரை நோயாளிகளாகவும், 25% பேர் உயர் ரத்த அழுத்த நோயாளிகளாகவும் உள்ளனர்.
பாதுகாப்பு, தேசிய பாதுகாப்பு மற்றும் பயங்கரவாதம்
‘பெல்’ நிறுவனத்துடன் ரூ.2,906 கோடியில் ஒப்பந்தம்
- இந்திய விமானப் படைக்கு (ஐஏஎஃப்) எளிதில் எடுத்துச் செல்லக்கூடிய ரேடார்களை (அஸ்வினி) கொள்முதல் செய்வதற்கான ஒப்பந்தம் பாதுகாப்புச் செயலர் முன்னிலையில் கையொப்பமிடப்பட்டது.
- இந்த ரேடாரை, பாதுகாப்பு ஆராய்ச்சி மற்றும் மேம்பாட்டு நிறுவனமான டிஆர்டிஓ வடிவமைத்துள்ளது.
- இது அதிவேக போர் விமானங்கள், ஆளில்லா விமானங்கள் மற்றும் ஹெலிகாப்டர்களின் தாக்குதல்களை துல்லியமாக கண்காணிக்கும் திறன் கொண்டது.
தர்ம கார்டியன் பயிற்சி
-
- இந்தியா மற்றும் ஜப்பான் இடையேயான இருதரப்பு இராணுவப் பயிற்சியான தர்ம கார்டியன் பயிற்சியின் 6வது பதிப்பு ஜப்பானில் வெற்றிகரமாக நிறைவடைந்தது.
- இது இந்தியா மற்றும் ஜப்பானில் மாறி மாறி நடத்தப்படும் வருடாந்திர பயிற்சியாகும்.
- இது நகர்ப்புற நிலப்பரப்பில் பயங்கரவாத எதிர்ப்பு பயிற்சி மூலம் போர் தயார்நிலையை மேம்படுத்துவதற்கும், ஐக்கிய நாடுகளின் அமைதிகாக்கும் நடவடிக்கைகள் (UNPKO) மற்றும் மனிதாபிமான உதவி மற்றும் பேரிடர் நிவாரணம் (HADR) போன்ற பயிற்சிகளை உள்ளடக்கியது.
- பிற இந்தியா-ஜப்பான் பல்தரப்பு பயிற்சிகள்
- வீர் கார்டியன் (விமானப்படை)
- ஷின்யூ மைத்ரி (விமானப்படை)
- JIMEX (கடற்படை)
- மலபார் (கடற்படை) (ஆஸ்திரேலியா மற்றும் அமெரிக்காவுடன்).
உலக அமைப்புகள் – உடன்படிக்கைகள்
இந்தியா–மோரீஷஸ் இடையே 8 ஒப்பந்தங்கள்
- இந்திய ரிசர்வ் வங்கி மற்றும் மோரீஷஸ் வங்கி இடையில் உள்ளூர் கரன்சியில் பரிவர்த்தனைகளை ஊக்குவிக்கும் ஒப்பந்தம்.
- மோரீஷஸ் அரசு (கடன் பெறுபவர்) மற்றும் பாரத ஸ்டேட் வங்கி (கடனளிப்பவர்) இடையில் கடன் ஒப்பந்தம்.
- குறு, சிறு, நடுத்தர தொழில்கள் இடையிலான ஒத்துழைப்பை வலுப்படுத்தும் ஒப்பந்தம்.
- வெளியுறவு பயிற்சி தொடர் பாகமாக, வெளியுறவு அமைச்சகங்கள் இடையிலான ஒப்பந்தம்.
- இந்திய அரசின் தேசிய நல்லாட்சி மையம் மற்றும் மோரீஷஸ் பொதுச் சேவை நிர்வாக சீர்திருத்த அமைச்சகம் இடையிலான ஒத்துழைப்பை வலுப்படுத்தும் ஒப்பந்தம்.
- இந்திய கடற்படை மற்றும் மோரீஷஸ் அரசு இடையில் தகவல் பகிர்வுக்கான தொழில்நுட்ப ஒப்பந்தம்.
- இந்திய தேசிய பெருங்கடல் தகவல் சேவை மையம் மற்றும் மோரீஷஸ் கடல்சார் மண்டல நிர்வாகம் மற்றும் ஆய்வு துறை இடையிலான ஒத்துழைப்பை வலுப்படுத்தும் ஒப்பந்தம்.
- இந்திய அமலாக்கத் துறை மற்றும் மோரீஷஸ் நிதி குற்றங்கள் தடுப்பு ஆணையம் இடையிலான ஒப்பந்தம்.
