பொருளாதாரம்

குறியீடுகள்

இடைநிலைக் கல்வி இடைநிற்றல் 12.6%

• தேசிய அளவில் இடைநிலைக் கல்வியில் மாணவர்கள் இடைநிற்றல் விகிதம் 12.6% ஆக உள்ளதென தெரிவிக்கப்பட்டுள்ளது.
• குஜராத், பிகார், மேகாலயா உள்ளிட்ட 7 மாநிலங்களில் மாணவர்கள் இடைநிற்றல் விகிதம் தேசிய சராசரியை விட அதிகமாக உள்ளதாகவும் குறிப்பிடப்பட்டுள்ளது.
• மத்திய அரசு செயல்படுத்தி வரும் ”சமக்ர சிக்ஷா” திட்டத்தின் செயல்பாடு குறித்து ஆய்வு செய்வதற்கான கூட்டம் நடைபெற்றது. 
• கூட்டத்தின் இறுதியில் தயாரிக்கப்பட்ட ஆய்வறிக்கையில் தேசிய அளவில் கடந்த 2021-22-ஆம் கல்வியாண்டில் இடைநிலைக் கல்வி அளவில் மாணவர்களின் இடைநிற்றல் விகிதம் சராசரியாக 12.6 சதவீதமாக இருந்ததாகக் குறிப்பிடப்பட்டுள்ளது.
• பழங்குடியினர், முஸ்லிம்கள் அதிகமாக வசிக்கும் பகுதிகளில் இடைநிற்றல் விகிதம் அதிகமாகவே உள்ளதாகக் குறிப்பிடப்பட்டுள்ளது.
• வீட்டில் உள்ள பணிகள் காரணமாக மாணவிகளின் இடைநிற்றல் விகிதம் தேசிய அளவில் 33 சதவீதமாக உள்ளதாக யுனிசெஃப் (UNICEF) கடந்த 2022 ஆண்டு வெளியிட்ட அறிக்கையில் குறிப்பிடப்பட்டிருந்தது. பள்ளி இருந்து இடைநிற்கும் மாணவர்கள், குழந்தைத் தொழிலாளர்களாக மாறுவதாகவும் அந்த அறிக்கையில் குறிப்பிடப்பட்டிருந்தது.