சுற்றுச்சூழல் மற்றும் சூழலியல்
இந்தியாவின் பசுமை இல்ல வாயு உமிழ்வு தீவிர இலக்குகள்
- சமீபத்தில், இந்தியாவின் சுற்றுச்சூழல், வனம் மற்றும் காலநிலை மாற்ற அமைச்சகமானது ஆற்றல் பாதுகாப்புச் சட்டம், 2001-ன் கீழ் ஒரு வரைவு அறிவிப்பை வெளியிட்டது.
- இந்த அறிவிப்பு “பசுமை இல்ல வாயு உமிழ்வு தீவிர இலக்கு விதிகள், 2025″–ஐ அறிமுகப்படுத்துகிறது.
- இது இந்தியாவின் கார்பன் கடன் வர்த்தகத் திட்டம், 2023-ன் ஒரு அங்கமாகும்.
- இதன் முக்கிய நோக்கம் கார்பன் கடன் வர்த்தகம் மூலம் பசுமை இல்ல வாயு உமிழ்வுகளைக் குறைப்பதற்கான தேசிய கட்டமைப்பை உருவாக்குவதாகும்.
- உற்பத்தியின் ஒவ்வொரு டன்னுக்கும் CO₂ சமமான டன் உமிழ்வுகளின் அடிப்படையில் ஆற்றல் திறன் பணியகம் (Bureau of Energy Efficiency – BEE) இந்த இலக்குகளை தீர்மானிக்கும்.
- இந்த இலக்குகள் 2023-24-ன் அடிப்படைத் தரவுகளைப் பயன்படுத்தி, 2025-26 முதல் 2026-27 வரை பொருந்தும்.
- இந்த உமிழ்வு தீவிர விதிகள் 2070-க்குள் நிகர சுழிய உமிழ்வுகளை அடைவதை நோக்கமாகக் கொண்ட இந்தியாவின் விரிவான காலநிலை உத்தியை ஆதரிக்கின்றன.
சூரத் உமிழ்வு வர்த்தகத் திட்டம் (ETS)
- சூரத் உமிழ்வு வர்த்தகத் திட்டம் (ETS) துகள் காற்று மாசுபாட்டைக் கட்டுப்படுத்த குறிப்பாக வடிவமைக்கப்பட்ட உலகின் முதல் சந்தை-சார்ந்த பொறிமுறையாகும்.
- உமிழ்வு வர்த்தகத் திட்டம் (ETS) என்பது பொருளாதார ஊக்கத்தொகைகளை அறிமுகப்படுத்துவதன் மூலம் காற்று மாசுபாட்டைக் கட்டுப்படுத்த நோக்கமாகக் கொண்ட ஒரு ஒழுங்குமுறை கருவியாகும்.
- ETS என்பது மாசுபாட்டைக் கட்டுப்படுத்துவதற்கான ஒரு சந்தை-சார்ந்த அணுகுமுறையாகும், உமிழ்வைக் குறைப்பதற்கு பொருளாதார ஊக்கத்தொகைகளை வழங்குகிறது, பொதுவாக உச்சவரம்பு-மற்றும்-வர்த்தக முறைகள் என அறியப்படுகிறது.
- 2019-ல் தொடங்கப்பட்ட சூரத் உமிழ்வு வர்த்தகத் திட்டம் (ETS), துகள் மாசுபாட்டில் (CO₂ அல்ல) கவனம் செலுத்தும் உலகின் முதல் ETS மற்றும் இந்தியாவின் முதல் எந்தவொரு மாசுபடுத்தியின் உமிழ்வு சந்தையாகும்.
- இது நிலக்கரி மற்றும் லிக்னைட் போன்ற திட எரிபொருட்களையும், டீசல் போன்ற திரவ எரிபொருட்களையும் பயன்படுத்தும் ஜவுளித் துறையில் முக்கியமாக 342 அதிக உமிழ்வு தொழில்களை இலக்காகக் கொண்டது.
