தினசரி தேசிய நிகழ்வுகள்

முதல் இந்திய தயாரிப்பு செமிகண்டக்டர் சிப்

• ”முதல் இந்திய தயாரிப்பு செமிகண்டக்டர் (குறைமின் கடத்தி) சிப் 2024-ஆம் ஆண்டு டிசம்பருக்குள் பயன்பாட்டுக்கு வர வாய்ப்புள்ளது” என்று மத்திய தகவல்தொடர்பு மற்றும் தகவல் தொழில்நுட்பத்துறை அமைச்சர் அஸ்வினி வைஷ்ணவ் கூறினார்.
• அமெரிக்காவைச் சேர்ந்த கணினி சேமிப்பக சிப் தயாரிப்பு நிறுவனமான ”மைக்ரான்”, குஜராத் மாநிலத்தில் செமிகண்டக்டர் பாகங்கள் இணைப்பு மற்றும் பரிசோதனை ஆலையை அமைக்கவுள்ளது.
• மைக்ரான் ஆலையிலிருந்து முதல் இந்திய தயாரிப்பு செமிகண்டக்டர் சிப் 2024-ஆம் ஆண்டு டிசம்பரில் பயன்பாட்டுக்கு வரும்.

குறிப்பு:

• செமிகண்டக்டர்களுக்கு சீனா, தைவான், வியத்நாம், கொரிய நாடுகளையே இந்தியா நம்பியிருந்த நிலையில், உள்நாட்டிலேயே செமிகண்டக்டர் தயாரிப்பு கட்டமைப்புகளை உருவாக்கும் முயற்சியை மத்திய அரசு தீவிரப்படுத்தியுள்ளது.

இந்திய செமிகண்டக்டர் மிஷன் பற்றி

• இந்திய செமிகண்டக்டர் மிஷன் (ISM) என்பது டிஜிட்டல் இந்தியா கார்ப்பரேஷனில் உள்ள ஒரு சிறப்பு மற்றும் சுதந்திரமான வணிகப் பிரிவாகும்.
• நோக்கம் – எலக்ட்ரானிக்ஸ் உற்பத்தி மற்றும் வடிவமைப்பிற்கான உலகளாவிய மையமாக இந்தியா வெளிப்படுவதற்கு குறைக்கடத்தி மற்றும் காட்சிபொருளுக்கான சூழல் அமைப்பை உருவாக்குதல்.
• மின்னணு மற்றும் தகவல் தொழில்நுட்ப அமைச்சகம் பெங்களுருவில் இந்தியா செமிகண்டக்டர் மிஷனின் கீழ் முதல் செமிகான் (Semicon) இந்தியா 2022 மாநாட்டைத் தொடங்கியது.
• மாநாட்டின் கருப்பொருள்: இந்தியாவின் செமிகண்டக்டர் சூழல் அமைப்பை ஊக்குவிப்பது.
• மின்னணுவியல் மற்றும் தகவல் தொழில்நுட்ப அமைச்சகத்தின் (Meity) கீழ் மொத்தம் ரூ.76000 கோடி நிதி செலவில் 2021 இல் ISM தொடங்கப்பட்டது.